Hansika Motwani: சோஹைல் முதல் திருமணம் விவகாரத்தானதற்கு காரணம் நானா? பதிலளித்த ஹன்சிகா..!

பாலிவுட்டில் குழந்தை நட்சத்திரமாக அறிமுகமாகி தமிழ், தெலுங்கு, இந்தி சினிமாக்களில் பிரபல நடிகையாக உருவெடுத்தவர் ஹன்சிகா மோத்வானி. அவர் தனது நீண்ட நாள் நண்பரும், பிசினஸ் பார்ட்னருமான சோஹைல் கதுரியாவுடன் சேர்ந்து ஒரு ஈவென்ட் மேனேஜ்மென்ட் நிறுவனம் ஒன்றை கடந்த சில வருடங்களாக நடத்தி வருகிறார். இவர்கள் இருவருக்கும் திருமணம் நடக்கப் போவதாக தகவல் வெளியானது.

அதையடுத்து அவர்களின் காதலை உறுதிப்படுத்தும் விதத்தில், நவம்பர் 2 ஆம் தேதி ஹன்சிகா, தனது இன்ஸ்டாகிராம் பக்கத்தில் அவரது வருங்கால கணவர் சோஹைல் கதுரியாவுடன் பாரீஸில் ஈபிள் கோபுரம் முன்பு இருக்கும் புகைப்படங்களை பதிவிட்டார். அதன்பிறகு டிசம்பர் 4 -2022 இரவு ஜெய்ப்பூரில் உள்ள 450 வருட பழமையான முண்டோடா கோட்டை மற்றும் அரண்மனையில் இருவருக்கும் திருமணம் நடந்தது. இவர்களது திருமண புகைப்படங்களும் வீடியோக்களும் சமூக வலைதளங்களில் வைரலாகின.

Enjoy the Weekend with #HotstarSpecials #HansikasLoveShaadiDrama now streaming on #Disneyplushotstar
???? https://t.co/pkeTDp1qpn
New episode Out Now !@ihansika #SohaelKhaturiya @Avinaash_Offi #Uttam_Domale @nowme_datta @sajeed_a @ajaym7 pic.twitter.com/FqLOmEyYFm

— Disney+ Hotstar Tamil (@disneyplusHSTam) February 18, 2023

இந்நிலையில், ஹன்சிகாவின் திருமண நிகழ்வுகள் 8 எபிசோடுகளாக ’லவ் ஷாதி டிராமா’ என்ற பெயருடன், டிஸ்னி+ ஹாட்ஸ்டார் தளத்தில் வெளியாக உள்ளதாகத் தகவல் வெளியானது. இதன் ட்ரெய்லர் வெளியாகி வரவேற்பைப் பெற்றது மேலும் இந்த வீடியோவை காண ரசிகர்கள் ஆவலுடன் காத்து இருந்தார்கள்.

வெளியான இந்த வீடியோவில் திருமண ஏற்பாடுகள் மற்றும் திரைக்குப் பின்னால் நடந்தவை என பல விஷயங்கள் குறித்து மனம் திறந்து பேசியிருந்தார் ஹன்சிகா.” எங்களின் நிச்சயதார்த்த புகைப்படங்களை சோசியல் மீடியாவில் வெளியிட்டப்போது பலர் வாழ்த்துக்களை தெரிவித்தாலும், எங்களைப் பற்றிய பல போலி தகவல்கள் பரவின. அதில் என் மனதை மிகவும் காயப்படுத்திய ஒன்று, சோஹைல் முதல் திருமணம் விவகாரத்தானதற்கு காரணம் நான் தான் என எழுதியதை பார்த்தது தான். ஒரு பிரபலமாக இருந்ததற்கு எனக்கு கிடைத்த பரிசு இதுதான்.

நான் எப்போதெல்லாம் மனழுத்ததில் இருக்கிறேனோ அப்போதெல்லாம் நான் அணுகுவது சோஹைலை தான். அவர் தான் இருவரும் ஒன்றாக சேர்ந்து சமாளிக்கலாம் என என்னை தேற்றினார். நாங்கள் கணவன் மனைவி என்பதை காட்டிலும் மிக நல்ல நண்பர்கள்.

அனைவரையும் போல நாங்களும் சக மனிதர்கள் தான், எங்களுக்கும்  உணர்வுகள் இருக்கும்”  என கண்ணீர் மல்க பேசியிருந்தார் ஹன்சிகா .