EPFO WhatsApp சேவை அறிமுகம்: இனி PF இருப்பு, Claim Status எல்லாம் ஒரு ‘Hello’ மெசேஜில் தெரியும்!

தனியார் துறை ஊழியர்களுக்கு முக்கியமான புதிய வசதியை EPFO அறிமுகப்படுத்த உள்ளது. இனி PF இருப்பு, கடந்த பரிவர்த்தனைகள் மற்றும் Claim Status போன்ற தகவல்களை உறுப்பினர்கள் நேரடியாக WhatsApp மூலம் தெரிந்துகொள்ள முடியும். இதற்காக EPFO-வின் அதிகாரப்பூர்வ WhatsApp எண்ணிற்கு “Hello” என்று ஒரு மெசேஜ் அனுப்பினால் போதும்.

இந்த புதிய வசதி குறித்து மத்திய தொழிலாளர் மற்றும் வேலைவாய்ப்பு துறை அமைச்சர் Mansukh Mandaviya அறிவிப்பு வெளியிட்டுள்ளார். EPFO சேவைகளை மேலும் எளிமைப்படுத்தவும், உறுப்பினர்களுக்கு விரைவான உதவியை வழங்கவும் இந்த நடவடிக்கை எடுக்கப்பட்டுள்ளதாக அவர் தெரிவித்துள்ளார்.

24 மணி நேர சேவை

இந்த WhatsApp சேவை வாரத்தின் ஏழு நாட்களும், 24 மணி நேரமும் செயல்படும். உறுப்பினர்கள் எந்த நேரத்திலும் தங்கள் PF கணக்கு தொடர்பான தகவல்களை உடனடியாக பெற முடியும். குறிப்பாக PF இருப்பு, கடந்த 5 பரிவர்த்தனைகள், Claim நிலை உள்ளிட்ட தகவல்கள் சில நொடிகளில் கிடைக்கும்.

UPI மூலம் PF பணம் பெறும் வசதி

மேலும், EPFO உறுப்பினர்கள் விரைவில் UPI மூலம் PF தொகையை திரும்பப் பெறும் வசதியும் பெற உள்ளனர். இதற்கான சோதனைப் பணிகள் வெற்றிகரமாக முடிந்துள்ளதாக அமைச்சர் தெரிவித்துள்ளார். இந்த முறையில், PF தொகை நேரடியாக உறுப்பினர்களின் வங்கிக் கணக்கிற்கு மாற்றப்படும்.

தாய்மொழியில் தகவல் பெறலாம்

WhatsApp சேவையின் முக்கிய அம்சமாக, உறுப்பினர்கள் தங்கள் சொந்த மொழியிலேயே EPFO-வுடன் தொடர்புகொள்ள முடியும். இது பிராந்திய மொழிகளில் சேவையை வழங்குவதன் மூலம் பயனர்களுக்கு அதிக வசதியை ஏற்படுத்தும் என கூறப்படுகிறது.

AI Chatbot மூலம் உடனடி பதில்

இந்த சேவைக்காக AI Chatbot பயன்படுத்தப்பட உள்ளது. உறுப்பினர்கள் கேட்கும் கேள்விகளுக்கு Chatbot உடனடியாக பதில் அளிக்கும். EPFO தரவுத்தளத்திலிருந்து தகவல்களை பெற்று விரைவாக சேவை வழங்கும் வகையில் இந்த அமைப்பு உருவாக்கப்பட்டுள்ளது.

PMVBRY உறுப்பினர்களுக்கும் உதவி

இந்த WhatsApp வசதி, பிரதம மந்திரி விக்சித் பாரத் ரோஜ்கர் யோஜனா (PMVBRY) திட்ட பயனாளர்களுக்கும் உதவியாக இருக்கும். UIDAI முகஅங்கீகார சரிபார்ப்பு அல்லது DBT செயல்படுத்தல் போன்ற நடைமுறைகளை முடிக்காத உறுப்பினர்களுக்கும் வழிகாட்டுதல் வழங்கப்படும்.

எப்படி பயன்படுத்துவது?

• EPFO-வின் பதிவு செய்யப்பட்ட WhatsApp எண்ணிற்கு “Hello” அனுப்ப வேண்டும்.
• அந்த WhatsApp எண், UAN-உடன் இணைக்கப்பட்ட மொபைல் எண்ணாக இருக்க வேண்டும்.
• சரிபார்ப்பு முடிந்ததும், உறுப்பினர்களுக்கு தாய்மொழியில் மெனு வழங்கப்படும்.
• தேவையான சேவையை தேர்வு செய்து தகவல்களை பெறலாம்.

இந்த புதிய முயற்சி மூலம் EPFO சேவைகள் மேலும் டிஜிட்டல் மற்றும் எளிமையானதாக மாறும் என எதிர்பார்க்கப்படுகிறது.