சினிமா
நடிகர் சிம்பு மருத்துவமனையில் அனுமதி – ரசிகர்கள் அதிர்ச்சி
சிறு வயதிலிருந்தே சினிமாவில் நடித்து வருபவர் சிம்பு. தனக்கென ஒரு ரசிகர் கூட்டத்தை உருவாக்கி வைத்திருப்பவர். சினிமாவில் ஏற்ற இறக்கங்களை கண்டவர். சமீபத்தில் அவர் நடிப்பில் வெளியான மாநாடு திரைப்படம் ரசிகர்களை கவர்ந்து வசூலை வாரி குவித்துள்ளது.
தற்போது அவர் கவுதம் மேனன் இயக்கத்தில் வெந்து தணிந்தது காடு படத்தில் நடித்து வருகிறார். இப்படத்தின் படப்பிடிப்பு தற்போது சென்னையில் நடைபெற்று வருகிறது. இப்படம் தொடர்பான டீசர் வீடியோவும் வெளியாகி ரசிகர்களை கவர்ந்தது.
இந்நிலையில், திடீரென சிம்பு காய்ச்சல் ஒரு தனியார் மருத்துவமனையில் அனுமதிக்கப்பட்டார். பரிசோதனையில் அவருக்கு கொரோனா வைரஸ் பாதிப்பு இல்லை என்பது உறுதியாகியுள்ளது. அவருக்கு தொண்டையில் வலி இருந்ததாகவும் கூறப்படுகிறது. மருத்துவர்கள் அவருக்கு சிகிச்சை அளித்து வருகின்றனர்.
அவர் விரைவில் குணமடைய வேண்டும் என அவரின் ரசிகர்கள் பதிவிட்டு வருகின்றனர்.