சினிமா செய்திகள்
30 ஆண்டுகளுக்கு பின் உருவாகும் ‘சின்னக்கவுண்டர் 2’: ஹீரோ யார் தெரியுமா?
விஜயகாந்த் நடித்த சின்ன கவுண்டர் திரைப்படம் கடந்த 1992ஆம் ஆண்டு வெளியானது என்பதும் இந்த படம் வசூல் அளவிலும் விமர்சன அளவிலும் மிகப்பெரிய அளவில் வெற்றி பெற்றது என்பதும் குறிப்பிடத்தக்கது.
இந்த நிலையில் 30 ஆண்டுகளுக்கு பின்னர் இந்த திரைப்படத்தின் இரண்டாம் பாகத்தை உருவாக்க இந்த படத்தின் இயக்குநர் ஆர் வி உதயகுமார் திட்டமிட்டுள்ளார். இதுகுறித்த அறிவிப்பு அதிகாரப்பூர்வமாக விரைவில் வெளியாகும் என்று கூறப்படுகிறது.
விஜயகாந்த் சுகன்யா நடிப்பில், இளையராஜா இசையில், ஆர் வி உதயகுமார் இயக்கத்தில் உருவான சின்னக்கவுண்டர் படத்தின் இரண்டாம் பாகத்தை கடந்த சில ஆண்டுகளுக்கு முன்பு இயக்க உதயகுமார் திட்டமிட்டிருந்தார்.
விஜய் சேதுபதியை சின்னக்கவுண்டர் வேடத்தில் நடிக்க அவர் திட்டமிட்டிருந்த நிலையில் விஜய் சேதுபதி அதற்கு ஒப்புக்கொள்ளவில்லை என்று கூறப்படுகிறது. இந்த நிலையில் தற்போது மீண்டும் இந்த முயற்சியை எடுத்துள்ளார்.
ஆர்பி உதயகுமார் தற்போது இந்த படத்தின் இரண்டாம் பாகத்தில் நடிக்க முடிவு செய்துள்ளார். மேலும் ஆர்கே சுரேஷ் இந்த படத்தை தயாரிக்கவும் உள்ளார் என்பது குறிப்பிடத்தக்கது .
இந்த படத்தின் படப்பிடிப்பு இன்னும் ஒரு சில மாதங்களில் தொடங்கும் என்றும் சின்னக்கவுண்டர் படத்தின் உண்மையான இரண்டாம் பாகமாக இந்த படம் இருக்கும் என்றும் முதல் பாகம் வெளியானபோது பெற்ற வரவேற்பை போல் இந்த படத்திற்கும் வரவேற்பு கிடைக்கும் என்று தான் எதிர்பார்ப்பதாகவும் அவர் தெரிவித்துள்ளதாக தகவல்கள் வெளியாகியுள்ளன.