விடுதலைப் புலிகளின் தலைவனாக நடிக்கும் பாபிசிம்ஹா!

பிட்ஸா படத்தில் குணசித்திர நடிகராகக் களமிறங்கிய பாபி சிம்ஹா, ஜிகர்தண்டாவில் மாஸ் வில்லனாக மாறினார். பின்னர்ப் பாம்புச்சட்டை உள்ளிட்ட சில படங்களில் ஹீரோவாகக் கலக்கி வருகிறார். சாமி ஸ்கொயர் படத்தில் வில்லனாக மிரட்டிய பாபி சிம்ஹா, தற்போது ரஜினியின் ‘பேட்ட’ படத்தில் முக்கியக் கதாப்பாத்திரத்தில் நடிக்கிறார்.

இந்நிலையில், விடுதலைப் புலிகளின் தலைவர் வேலுப்பிள்ளை பிரபாகரனாக நடிக்க ஒப்பந்தமாகியுள்ளார் பாபி சிம்ஹா என்ற அதிகாரப்பூர்வ தகவல் வெளியாகியுள்ளது. உனக்குள் நான், லைட்மேன், நீலம் ஆகிய படங்களை இயக்கிய வெங்கடேஷ் குமாரின் இயக்கத்தில் பாபிசிம்ஹா பிரபாகரனாக நடிக்க ஒப்பந்தமாகியுள்ளார். முன்னதாக வல்லவனுக்கு வல்லவன் படத்தில் சேகுவேரா போன்ற தோற்றத்தில் பாபிசிம்ஹா நடித்துள்ளார்.

வெங்கடேஷ் குமார் இயக்கத்தில் வெளிவந்த நீலம் படம் இலங்கை பிரச்சினையை மையமாக வைத்து எடுக்கப் பட்டதால், தணிக்கை குழுவினர் படத்திற்குத் தடை வைத்தது குறிப்பிடத்தக்கது.