சினிமா செய்திகள்
பிக் பாஸ் லாஸ்லியா – தர்ஷன் இணைந்து நடிக்கும் புதிய காமெடி படம் – டைட்டில் இதுதான்!
பிக் பாஸ் நிகழ்ச்சி மூலம் புகழ் பெற்ற லாஸ்லியா மற்றும் தர்ஷன் ஆகியோர் இணைந்து ஒரு திரைப்படத்தில் நடக்க இருக்கின்றனர்.
மலையாளத்தில் ‘ஆண்டிராய்டு குஞ்சப்பன்’ என்ற பெயரில் வெளி வந்த படத்தின் ரீமேக்கில் தான் இருவரும் முக்கிய கதாப்பாத்திரங்களில் நடிக்கின்றனர். தமிழில் இந்தப் படத்துக்கு ‘கூகுள் குட்டப்பன்’ என்று பெயர் மாற்றம் செய்யப்பட்டுள்ளது.
Director & Producer #KSRavikumar, #Tharshan & #Losliya at #GoogleKuttappan pooja. pic.twitter.com/YHfoY4mEFl
— Sathish Kumar M (@sathishmsk) January 28, 2021
லாஸ்லியா, தர்ஷனைத் தவிர இயக்குநர் கே.எஸ்.ரவிக்குமாரும் படத்தில் முக்கிய கதாபாத்திரத்தில் நடிக்கிறார். இந்தப் படத்தை சபரி சரவணன் இயக்குகிறார். பிரபல இசையமைப்பாளர் ஜிப்ரான், இதற்கு இசையமைக்கிறார்.
Today #Googlekuttappan Poojai pics #Losliya ❤️ pic.twitter.com/6EpEae1Nmr
— Liya Girl Fanᶠʳᶦᵉⁿᵈˢʰᶦᵖ (@Liya_Girl_Fan) January 28, 2021
காமெடி கலந்த அறிவியல் புனை கதை பாணியில் இந்தப் படம் மலையாளத்தில் எடுக்கப்பட்டிருக்கும். கடந்த 2019 ஆம் ஆண்டு வெளியாகி மலையாள ரசிகர்கள் மத்தியில் பெரும் வரவேற்பைப் பெற்றது ஆண்டிராய்டு குஞ்சப்பன். அந்தப் படத்தில் சுபின் ஷாகிர் மற்றும் சுராஜ் வெஞ்சரமூடு ஆகியோர் நடிப்பில் பிண்ணி எடுத்திருப்பார்கள். என்ன தான் காமெடி படமாக இருந்தாலும், இந்த தொழில்நுட்ப காலத்தில் தேவைப்படும் முக்கியமான மெஸேஜும் படத்தில் இருக்கும். ஒரிஜினல் வெர்ஷன் அளவுக்கு ரீமேக் வெர்ஷன் இருக்குமா என்பதை பொறுத்திருந்து தான் பார்க்க வேண்டும்.
