தொழில்நுட்பம்
BHIM 3.0 – பண பரிவர்த்தனைகள் இனி வேகமாகவும் பாதுகாப்பாகவும்!
🔹 BHIM 3.0 அறிமுகம் – புதிய அம்சங்கள், அதிக பாதுகாப்பு
நேஷனல் பேமெண்ட்ஸ் கார்ப்பரேஷன் ஆஃப் இந்தியா (NPCI) BHIM 3.0 பதிப்பை வெளியிட்டுள்ளது. 2016-ஆம் ஆண்டில் முதன்முதலாக அறிமுகமான BHIM செயலியின் புதிய மற்றும் மேம்பட்ட பதிப்பாக இது விளங்கும்.
- 2025 ஏப்ரல் மாதத்திற்குள் அனைத்து பயனர்களும் BHIM 3.0-ஐ பயன்படுத்த முடியும்.
- முன்னைய பதிப்புகளை விட வேகமான மற்றும் மேம்பட்ட தொழில்நுட்பத்துடன் இது உருவாக்கப்பட்டுள்ளது.
- 15+ இந்திய மொழிகளில் கிடைக்கும் – பயனர் அனுபவம் அதிகரிக்கும்.
🔹 BHIM 3.0 – முக்கிய அம்சங்கள்
✅ மொழி ஆதரவு – 15+ இந்திய மொழிகளில் செயலியைப் பயன்படுத்தலாம்.
✅ வேகமான பரிவர்த்தனைகள் – குறைந்த இணைய இணைப்பிலும் பண பரிவர்த்தனைகள் முடியும்.
✅ செலவுகளை கண்காணிப்பு – மாதாந்திர செலவுகளை கண்காணித்து திட்டமிடலாம்.
✅ செலவுகளை பகிர்வு – நண்பர்களுடன் வாடகை, உணவுப் பில், ஷாப்பிங் செலவுகளை எளிதாகப் பிரிக்கலாம்.
✅ குடும்ப பயன்முறை – ஒரே BHIM கணக்கில் குடும்ப உறுப்பினர்களை இணைக்கலாம்.
✅ நினைவூட்டல் வசதி – நிலுவையில் உள்ள பில்கள் மற்றும் குறைந்த பேலன்ஸை பற்றிய நினைவூட்டல் கிடைக்கும்.
✅ வணிகர்களுக்கான BHIM Vega – கடைக்காரர்கள், வணிகர்கள் நேரடியாக BHIM 3.0 மூலம் பணம் பெறலாம்.
🔹 BHIM 3.0 – இந்தியாவின் டிஜிட்டல் பரிவர்த்தனை எதிர்காலம்
NPCI BHIM 3.0-ஐ பாதுகாப்பு மற்றும் எளிமையை முன்னிறுத்தி வடிவமைத்துள்ளது. NPCI BHIM சர்வீசஸ் (NBSL) CEO லலிதா நடராஜ், புதிய பதிப்பில் நிதி மேலாண்மை மற்றும் பரிவர்த்தனைகள் மேலும் சீராக இருக்கும் என்று தெரிவித்துள்ளார்.
