தமிழ்நாடு
“எனக்கு இன்னொரு முகம் இருக்கு!”- பகிரங்க மிரட்டல் விடுத்த அண்ணாமலை; பகீர் வீடியோ
கரூர் மாவட்டம் அரவக்குறிச்சித் தொகுதியில் பாஜகவின் மாநில துணைத் தலைவர் அண்ணாமலை போட்டியிடுகிறார். முன்னாள் ஐபிஎஸ் அதிகாரியான இவர் முதல் முறையாக தேர்தல் களம் காண்பது குறிப்பிடத்தக்கது. இந்நிலையில் தொகுதிக்கு உட்பட்ட இடத்தில் அவர் பிரச்சாரத்தில் ஈடுபட்டிருந்த போது, மிரட்டல் விடுக்கும் தொனியில் பேசியுள்ளது பெரும் பரபரப்பை ஏற்படுத்தியுள்ளது.
திமுகவின் கரூர் மாவட்டப் பொறுப்பாளரும், அரவக்குறிச்சி சட்டமன்றத் தொகுதியின் உறுப்பினருமான செந்தில் பாலாஜி, மீண்டும் அதே தொகுதியில் போட்டியிடுவது குறிப்பிடத்தக்கது. அண்ணாமலைக்கும் செந்தில் பாலாஜிக்கும் இடையில் இந்த முறை கடும் போட்டி நிலவும் என்று எதிர்பார்க்கப்படுகிறது.
— Legacy ™ (@Legacy_Daark) April 1, 2021
இந்நிலையில் பிரச்சாரத்தில் ஈடுபட்டிருந்த அண்ணாமலை, ‘செந்தில் பாலாஜியை தூக்கிப் போட்டு மிதிச்சா பல்லெல்லாம் வெளிய வந்திடும். நீயெல்லாம் ஒரு ஆளு. இங்க இருக்கிற திமுககாரனுக்கு நான் ஒரு எச்சரிக்கை வைக்கிறேன்.
நான் அகிம்சைவாதியாக அரிசயல் போராட்டத்தை நடத்திக் கொண்டிருக்கிறேன். எனக்கு இன்னொரு முகம் இருக்கு. அது கர்நாடக முகம். அத காட்ட வேண்டாம்னு நினைக்கிறேன். இது குறித்து வீடியோ எடுத்து எலெக்ஷன் கமிஷனுக்கு கொடுத்தாலும் கவலையில்ல’ என்று பகிரங்கமாக பேசியுள்ளது சர்ச்சையை ஏற்படுத்தி வருகிறது.
