சினிமா செய்திகள்
நெருப்புடா.. நெருங்குடா.. ஸ்டைலில் தீ பற்றிய கோட் சூட்டுடன் நடந்து வந்த அக்ஷய்… எதற்கு தெரியுமா?
பாலிவுட்டின் முன்னணி நடிகரான அக்ஷய் குமார், அமேசான் பிரைம் வீடியோவின் ஒரிஜினல்ஸ் தொடரான ’தி எண்ட்’ எனும் சாகசங்கள் நிறைந்த வெப் தொடரில் நடிக்க உள்ளார்.
மும்பையில், நேற்று நடைபெற்ற இதன் அறிமுக விழாவில், கோட்சூட் உடையில் தீ பற்றியவாறே ஸ்டன்ட் செய்து ரேம்ப்வாக் செய்து ரசிகர்களை அதிரவைத்தார் நடிகர் அக்ஷய் குமார்.
அக்ஷய் குமார், தான் ஒரு நடிகர் என்பதை விட, தான் ஒரு ஸ்டன்ட் கலைஞர் என்பதிலேயே தற்போதும், பெருமை கொள்வதாகவும், டிஜிட்டல் பிளாட்ஃபார்மான வெப் தொடர்களில் தான் நடிக்க காரணம், தனது மகனான ஆரவ்வின் விருப்பம் தான் என்றும் அக்ஷய் தெரிவித்தார்.
முன்னதாக நடிகர்கள் சைஃப் அலிகான், அபிஷேக் பச்சன் ஆகியோர், நெட்பிளிக்ஸ் வெப் தொடர்களில் நடித்துள்ளனர். நடிகர் ஷாரூக்கான் ஒரு வெப் தொடரை தயாரித்து வழங்கியுள்ளார். இந்நிலையில், சினிமாவில் கலக்கி வரும் அக்ஷய் குமாரும் வெப் தொடரில் களமிறங்க உள்ளார்.
