ஒரே குடையின் கீழ் எல்லாமே: டாடாவின் ‘சூப்பர் செயலி’ ரிலீஸ் தேதி அறிவிப்பு!

ஒரே குடையின் கீழ் எல்லாம் கிடைக்கும் வகையில் ‘சூப்பர் செயலி ஒன்றை கடந்த சில ஆண்டுகளாக டாடா குழுமம் தயாரித்து வந்த நிலையில் தற்போது அந்த செயலி ரிலீஸ் தேதி அறிவிக்கப்பட்டு உள்ளது .

டாடா குழுமம் தயாரித்துள்ள ’டாடா நியூ’ என்ற சூப்பர் செயலி ஏப்ரல் 7ஆம் தேதி அறிமுகம் செய்யப்பட உள்ளது. இந்த செயலை மூலம் திரைப்பட டிக்கெட்டுகள், மளிகைப் பொருள்கள், பயணம் சார்ந்த டிக்கெட்டுகள், உணவு ஆர்டர்கள் செய்யலாம் என்பது குறிப்பித்தக்கது .

ஏற்கனவே டாட்டா நிறுவனத்தின் கீழ் உள்ள பிக்பாஸ்கெட் உள்பட அனைத்து செயலிகளும் சூப்பர் செயலியில் இணைக்கப்படும் என்பது குறிப்பிடத்தக்கது. இந்த ஒரு செயலியை மட்டும் நமது மொபைல் போனில் வைத்துக்கொண்டால் நாம் விரும்பும் எந்த பொருளாக இருந்தாலும் வீட்டில் இருந்து ஆர்டர் செய்து கொள்ளலாம்.

உணவுக்கு ஒரு செயலி, மளிகை பொருட்களுக்கு ஒரு செயலி, தியேட்டர் டிக்கெட் எடுக்க ஒரு செயலி என இதுவரை பல்வேறு செயலிகளை பயன்படுத்தி வந்த நிலையில் இனி டாடா நியூ என்ற இந்த செயலியை மட்டும் வைத்துக் கொண்டாள் எல்லாமே இதன் கீழ் அடங்கும் என்பது குறிப்பிடத்தக்கது.