சியோமி பயனர்களின் தகவல்களை திருடுகிறதா? அதிர்ச்சியில் வாடிக்கையாளர்கள்!

சியோமி சாதனங்களைப் பயன்படுத்தும் வாடிக்கையாளர்கள், எந்த கோப்புகளைத் திறக்கிறார்கள், என்னவெல்லாம் செய்கிறார்கள் என்ற தகவல்கள் திருடப்படுவதாக சைபர் பாதுகாப்பு ஆய்வாளர் வெளியிட்டு தகவல்கள் பெறும் பரபரப்பை ஏற்படுத்தி வருகிறது.

மேலும் சியோமி உலவி மூலம் இணையதள சேவையைப் பயன்படுத்தும் போது பயனர்களின் தனிப்பட்ட விவரங்கள், போனின் செயல்பாடுகள் உள்ளிட்ட விவரங்களையும் சியோமி திருடுவதாக சைபர் பாதுகாப்பு ஆய்வாளர் கபி சிர்லிக் கூறியுள்ளார். தான் பயன்படுத்தும் ரெட்மி நோட் 8-ல் செய்யும் அனைத்து செயல்களையும் சியோமி திருடியுள்ளது என்று ஃபோர்ப்ஸ் இதழுக்கு அவர் தெரிவித்துள்ளார்.

மேலும் சியோமி நிறுவனம் இந்த தகவல்களைச் சீனாவின் மிகப் பெரிய இ-காமர்ஸ் நிறுவனமான அலிபாபாவிடம் பகிர்ந்துள்ளது என்றும் கூறப்படுகிறது.

உலாவிகளில் தனிப்பட்ட தகவல்களைத் திருடக் கூடாது என்பதற்காக incognito மோட் இருக்கும். இந்த முறையில் இணையதளங்களைப் பார்த்தாலும் சியோமி நிறுவனம் தகல்களைத் திருடியதாகக் கூறப்படுகிறது.

ஆனால், சியோமி இந்த குற்றச்சாட்டுகளுக்கு மறுப்பு தெரிவித்துள்ளது. மேலும், இணையதள நிறுவனங்கள் பயனர்களின் தரவுகளைச் சேமிப்பது பொதுவான ஒன்று தான், அது பயனர்களின் அனுமதியுடனே நடைபெறுகிறது. அதேநேரம் அந்த தரவுகளை யாரிடமும் பகிர்வதில்லை என்று கூறியுள்ளது.

சைபர் பாதுகாப்பு ஆய்வாளர் கூறிய போது, சியோமி நிறுவனம் அவர்களுக்கு உள்ள ரிமோட் சர்வர்களுக்கு தரவுகளை அனுப்புகிறது. இது தான் பயன்படுத்தும் சியோமி மாடல் போன் மட்டுமல்லாமல் பிற போன்களிலும் கண்டிப்பாக நடைபெறும் என்று குறிப்பிட்டுள்ளார்.