இந்தியா
இரவு நேரச் செய்திகள் – 22.11.2026

- சீனாவின் Three Gorges Dam அணையில் சுமார் 40 பில்லியன் டன் தண்ணீர் தேக்கி வைக்கப்பட்டுள்ளது. இவ்வளவு பிரம்மாண்டமான நீரின் எடை ஒரே இடத்தில் குவிந்திருப்பதால், பூமியின் சுழற்சி வேகமே சற்று குறைந்துள்ளதாக NASA விஞ்ஞானிகள் கணக்கிட்டுள்ளனர். இதன் காரணமாக, பூமியில் ஒரு நாளின் நேரம் 0.06 மைக்ரோ விநாடிகள் அதிகரிக்கிறது. மேலும், பூமியின் துருவங்கள் சுமார் 2 சென்டிமீட்டர் அளவுக்குத் தங்கள் நிலையில் இருந்து நகர்ந்துள்ளன
- மியான்மரில் ரோஹிங்கியா முஸ்லிம்களுக்கு எதிராக மேற்கொள்ளப்பட்ட கொடுமைகளின்போது, அந்நாட்டு இராணுவத்திற்கு இஸ்ரேலும் இந்தியாவும் ஆதரவளித்ததாக மியன்மாரைச் சேர்ந்த மனித உரிமை ஆர்வலரும் கல்வியாளருமான மௌங் சார்னி (Maung Zarni) குற்றஞ்சாட்டியுள்ளார்.
- திருவண்ணாமலையில் மகா தீபம் ஏற்றப்படும் 24ம் தேதி அன்று கன மழைக்கு வாய்ப்பு – இந்திய வானிலை ஆய்வு மையம் தகவல். அதிகாலை 4 மணிக்கு பரணி தீபம், மாலை 6 மணிக்கு 2668 அடி உயர மலை உச்சியில் மகா தீபம் ஏற்றப்படும்.
- மொபைலில் உள்ள படங்கள் மற்றும் கோப்புகளை கணினிக்கு அனுப்ப USB Cable தேட வேண்டிய அவசியமில்லை! Windows 11-இல் உள்ள Phone Link மற்றும் Android-இல் உள்ள Link to Windows வசதிகள் மூலம் இரண்டு சாதனங்களையும் இணைக்கலாம்.
- அமெரிக்காவின் ஹார்வர்டு மருத்துவப் பள்ளி (Harvard Medical School) ஆராய்ச்சியாளர்கள், மனித உடலில் இன்சுலின் உற்பத்தி செய்யாத சில கணையச் செல்களை (Pancreatic Duct Cells), இன்சுலின் உற்பத்தி செய்யக்கூடிய பீட்டா செல்களைப் போன்ற செல்களாக மாற்றும் புதிய வழியைக் கண்டறிந்துள்ளனர்.
- அமெரிக்க அதிபர் டொனால்ட் டிரம்ப் நிர்வாகம் விதித்துள்ள கடற்படை முற்றுகைக்கு மத்தியில், ஈரானிய எண்ணெய்க் கப்பல் ஒன்று ஹோர்முஸ் ஜலசந்தியை நோக்கி நகர்ந்து வருவதாகக் கப்பல் போக்குவரத்துக் கண்காணிப்புத் தகவல்கள் தெரிவிக்கின்றன.‘லைன் பிரேக்கர்’ (Line Breaker) எனப் பொருள்படும் ‘காட் ஷேக்கன்’ என்ற பெயருடைய கப்பல், மணிக்கு 12.5 நொட்ஸ் வேகத்தில் ஹோர்முஸ் ஜலசந்தியை நோக்கிச் செல்வதாக MarineTraffic தரவுகள் காட்டுவதாகத் தெரிவிக்கப்பட்டுள்ளது.
- உலகளவில் ஆண்டுதோறும் 160 கோடிக்கும் அதிகமான குழந்தைகள், பெற்றோர் அல்லது பராமரிப்பாளர்களால் வீட்டில் உடல் ரீதியான தண்டனை அல்லது உளவியல் ரீதியான வன்முறைக்கு ஆளாகின்றனர் என ஐக்கிய நாடுகள் சிறுவர் நிதியம் (UNICEF) தெரிவித்துள்ளது.



