இந்தியா
மாலை நேரச் செய்தித் துளிகள் – 16.02.2026
- செங்கல்பட்டு-மாமல்லபுரம் புதிய ரயில் பாதை திட்டத்திற்கு மறு ஆய்வு செய்ய ரயில்வே அமைச்சர் அஸ்வினி வைஷ்ணவ் உத்தரவிட்டுள்ளார்.
- ராணுவ வீரர்களைப் போல இனி ராணுவ செவிலியர்களும் ஓய்வ பெற்ற பின் கல்வி, வேலைவாய்ப்பு மற்றம் மருத்துவ சலுகைகளை முழுமையாகப் பெறும் வகையில் அவர்களுக்கும் முன்னால் ராணுவத்தினர் அந்தஸ்து வழங்கி ஒன்றிய அரசு உத்தரவிட்டுள்ளது. அரசுப் பணிகளுக்கான தேர்வுகளிலும் முன்னுரிமை கிடைக்கும்.
- நாட்டின் மிகப்பெரிய பொதுத்துறை வங்கியான State Bank of India (எஸ்பிஐ) ஆன்லைன் பணப் பரிவர்த்தனைகளுக்கு சேவை கட்டணம் விதிப்பதாக அறிவித்துள்ளது. இந்த அறிவிப்பின் படி, ரூ.25,000-க்கு மேற்பட்ட தொகையை செல்பேசி செயலி, இணைய வங்கி சேவை உள்ளிட்ட ஆன்லைன் வழிகளின் மூலம் பரிமாற்றம் செய்தால் சேவை கட்டணம் வசூலிக்கப்படும்.
- ஆதார் அட்டையில் புகைப்படம் மற்றும் க்யு.ஆர்.கோட் மட்டுமே வெளியில் தெரியும் வகையில் புதிதாக அச்சிட ஆதார் நிர்வாக அமைப்பு திட்டம். தனிநபர் பாதுகாப்பு, தகவல்களைத் தவறாக பயன்படுத்துவதைத் தடுக்கும் நோக்கில் ஆதார் எண், விலாசம் உள்ளிட்டவை வெளிப்படையாக இருக்காது.
- தெலுங்கானா நகராட்சித் தேர்தலில் தோல்வியடைந்த பாஜக வேட்பாளர் வீடு வீடாக சென்ற ஓட்டுக்கு தாங்கள் கொடுத்த ரூ.3000 பணத்தை திருப்பி வசூலித்த சம்பவத்தால் அதிர்ச்சி.
- கேரளாவின் மூளைச் சாவு அடைந்த 10 மாதக் குழந்தையின் உடல் உறுப்புக்கள் தானத்திற்கு பிறகு அதன் உடல் அரசு மரியாதையுடன் நல்லடக்கம் செய்யப்பட்டது. பிரபல அரசியல்வாதிகள் நடிகர்கள் உள்ளிட்டோர் இறுதிச் சடங்கில் கலந்து கொண்டு உருக்கம்.
