தமிழ்நாடு அரசு ஊழியர்களுக்கு வங்கி மூலம் வழங்கப்படும் சலுகைகளை கட்டணமின்றி வழங்க 7 வங்கிகளுடன் ஒப்பந்தம்.

தமிழ்நாடு அரசு ஊழியர்களுக்கு ஆயுள் காப்பீடு விபத்து காப்பீடு மற்றும் இவை தொடர்பான பிற சலுகைகளை கட்டணமின்றி வழங்கிட முடிவு செய்த தமிழ்நாடு அரசு 7 முன்னோடி வங்கிகளுடன் கடந்த ஆண்டு புரிந்துணர்வு ஒப்பந்தம் மேந்கொண்டது. அதற்கான அரசாணை வெளியிடப்பட்டுள்ளது. அதன்படி அரசு ஊழியர்களுக்கு குறைந்த பட்சம் ரூ.10லட்சம் ஆயுள் காப்பீடு, ஒரு கோடி ரூபாய் தனிநபர் விபத்து காப்பீடு ஆகியவை கிடைக்கும் இது தவிர தனிப்பட்ட விபத்து காரணமாக ஊழியர் இறக்க நேரிட்டால் ஊழியரின் குழந்தைகளுக்கு கல்விச்சலுகைகளும் திருமணமாகாத மகள்களுக்கு திருமண உதவித்தொகை ஆகியவையும் வழங்கப்படும்.

இந்த சலுகைகளை ஸ்டேட் பாங்க் ஆப் இந்தியா, இந்தியன் வங்கி, இந்தியன் ஓவர்சீஸ் வங்கி, கனரா வங்கி, ஆக்சிஸ் வங்கி, பாங்க் ஆப் பரோடா, யுனியன் பேங்க ஆப் இந்தியாஆகிய 7 வங்கிகள் இதுநாள்வரை வழங்கி வந்தன. இப்போது மேலும் சில வங்கிகளும் அரசுடன் புரிந்துணர்வு ஒப்பந்தம் மேற்கொண்டுள்ளன. அவையாவன பஞ்சாப் நேஷனல் வங்கிஈ தமிழ்நாடு மாநில தலைமை கூட்டுறவு வங்கி, பாங்க் ஆப் இந்தியா ஆகிய 3 வங்கிகளும் இந்த சேவையை தொடங்குகின்றன. இனி இந்த 3 வங்கிகளும் இந்த சேவைகளை அரசு ஊழியர் மற்றும் ஆசிரியர்களுக்கு கட்டணம் இல்லாமல் வழங்க இருக்கின்றன.

இவ்வாறு நிதித்துறைச் செயலர் உதயச்சந்திரன் வெளியிட்ட அரசாணையில் கூறப்பட்டுள்ளது.