தொழில்நுட்பம்
முகேஷ் அம்பானி புதிய AI நிறுவனம் தொடக்கம் – இந்தியாவின் முன்னணி நுண்ணறிவு மையமாக மாறுமா?
Mukesh Ambani New AI Company:
இந்திய தொழில் அதிபர் மற்றும் ரிலையன்ஸ் இன்டஸ்ட்ரீஸ் தலைவர் முகேஷ் அம்பானி, புதிய துணை நிறுவனம் Reliance Intelligence Limited-ஐ அறிமுகப்படுத்தியுள்ளார். செப்டம்பர் 9ஆம் தேதி அதிகாரப்பூர்வமாக பதிவு செய்யப்பட்ட இந்த நிறுவனம், முழுமையாக ரிலையன்ஸ் சொந்தமாக இயங்க உள்ளது.
இந்த புதிய AI முயற்சியின் மூலம், இந்தியாவில் அடுத்த தலைமுறை செயற்கை நுண்ணறிவு (AI) கட்டமைப்புகள் உருவாக்கப்பட உள்ளது. AGM-ல் முகேஷ் அம்பானி தெரிவித்துள்ளார் போல, கிகாவாட் அளவிலான AI டேட்டா சென்டர்கள் கட்டப்படும்; அவை முழுமையாக பசுமை சக்தியால் இயங்கும். இந்த சென்டர்கள், இந்தியாவின் தேசிய AI தேவைகளை பூர்த்தி செய்வதற்கான முக்கிய அடித்தளமாக இருக்கும்.
🔑 Reliance Intelligence Limited முக்கிய அம்சங்கள்:
இந்தியாவுக்கான அடுத்த தலைமுறை AI கட்டமைப்புகளை உருவாக்குதல்.
உலகளாவிய கூட்டாண்மைகளை விரிவாக்குதல்.
நாட்டின் தேவைகளுக்கேற்ற AI சேவைகளை உருவாக்குதல்.
AI திறமைகளை வளர்க்கும் வகையில் புதிய வேலை வாய்ப்புகள் உருவாக்குதல்.
ஜம்னகர், குஜராத்தில் டேட்டா சென்டர்கள் கட்டுமானம் தொடங்கியுள்ளது. பல கட்டங்களாக நடைபெறும் இந்த திட்டம், ரிலையன்ஸ் பசுமை சக்தி வசதிகளுடன் இணைந்து செயல்படும்.
இதற்கிடையில், ரிலையன்ஸ் AGM-ல் முகேஷ் அம்பானி தனது குழந்தைகளான ஆகாஷ் அம்பானி மற்றும் ஈஷா அம்பானிக்கு புதிய திட்டங்களை அறிமுகப்படுத்தும் வாய்ப்பளித்தார். இளம் மகன் ஆனந்த் அம்பானி, மே மாதத்தில் ரிலையன்ஸ் போர்டில் இயக்குநராக நியமிக்கப்பட்டு, AGM-ல் தனது திட்டங்களை பகிர்ந்துகொண்டார்.
