ஓய்வுபெற்ற படைவீரர்களுக்கு தமிழக அரசின் சிறப்பு மருத்துவ முகாம் – நிதியுதவியுடன் சுயதொழில் வாய்ப்புகள்!

தமிழக அரசு ஓய்வுபெற்ற படைவீரர்கள் மற்றும் அவர்களது குடும்பத்தினருக்காக இராணிப்பேட்டை மாவட்டத்தில் மிக முக்கிய அறிவிப்பை வெளியிட்டுள்ளது. முன்னாள் படைவீரர் நலத்துறையின் கீழ், அவர்களும், அவர்களது சார்ந்தோர்களும் பல்வேறு நலத்திட்டங்களிலிருந்து அதிக பயன் பெறும் வகையில், சிறப்பு மருத்துவ முகாம், சுயதொழில் கருத்தரங்கம், மற்றும் குறை தீர்ப்பு நாள் கூட்டம் நடத்த திட்டமிடப்பட்டுள்ளது.

இந்த முகாம் 2025 மே 29 ஆம் தேதி, இராணிப்பேட்டை மாவட்ட ஆட்சியர் அலுவலக வளாகத்தில் அமைந்துள்ள GDP ஹாலில் காலை 10 மணிக்கு நடைபெறவுள்ளது.

 நடைபெற உள்ள முக்கிய அம்சங்கள்:

🔹 இலவச மருத்துவ பரிசோதனைகள்:

• புற்றுநோய், பக்கவாதம், இருதய நோய், மனநலம் உள்ளிட்ட நோய்கள் கண்டறிதல்

• DWARF (வளர்ச்சியின்மை) பரிசோதனை

• ஆய்வக பரிசோதனைகள்:

  • சர்க்கரை (Diabetes), இரத்த அழுத்தம் (BP), ECG, Rapid Card Test

  • இரத்த கொழுப்பு (Lipid), சிறுநீரக செயல்பாடு, சிறுநீர் பரிசோதனை

  • மகப்பேறியல் (Gynecology) பரிசோதனை

🔹 நிதியுதவிகள்:

முன்னாள் படைவீரர் மற்றும் அவர்களது குடும்பத்தினருக்கு மனநல பாதிப்பு, புற்றுநோய், காசநோய், மாற்றுத்திறனாளி நிலை போன்ற நிலைகளுக்கு மாதந்தோறும் ரூ.5000/- முதல் ரூ.7000/- வரை தமிழ்நாடு முன்னாள் படைவீரர் நல நிதியிலிருந்து நிதியுதவிகள் வழங்கப்படுகின்றன.

🔹 சுயதொழில் வாய்ப்பு:

சுயதொழில் ஆர்வமுள்ள முன்னாள் படைவீரர்கள் மற்றும் அவர்களது குடும்பத்தினர், திட்டங்கள் குறித்து தெரிந்து கொண்டு பயனடையக்கூடிய கருத்தரங்கம் ஏற்பாடு செய்யப்பட்டுள்ளது.

இம்முகாம்கள் மற்றும் கருத்தரங்குகள் மூலம் மருத்துவ உதவிகளுடன், நிதி மற்றும் தொழில் வாய்ப்புகளும் வழங்கப்படும் எனவும், இவ்வறிய வாய்ப்பை பயன்படுத்த அனைவரும் கலந்து கொள்ளுமாறு மாவட்ட ஆட்சியர் கேட்டுக்கொண்டுள்ளார்.