வணிகம்
ஓய்வூதியதாரர்களுக்கு மகிழ்ச்சி: EPS-95 ஓய்வூதியம் ரூ.7,500 ஆக உயர வாய்ப்பு!
ஓய்வூதியதாரர்களுக்கு மிகுந்த நம்பிக்கையையும் மகிழ்ச்சியையும் அளிக்கும் முக்கிய செய்தி வெளியாகியுள்ளது.
1995ஆம் ஆண்டு முதல் செயல்படுத்தப்பட்ட EPS-95 (Employees’ Pension Scheme) என்பது ஓய்வுக்குப் பிறகு மாதாந்திர நிலையான வருமானத்தை வழங்கும் திட்டமாகும். குறைந்தபட்சம் 10 ஆண்டுகள் பங்களித்த EPFO உறுப்பினர்கள் இதன் மூலம் பல்வேறு நன்மைகளை பெற்று வருகின்றனர்.
இத்திட்டத்தின் கீழ் 2014ஆம் ஆண்டு ரூ.1,000 என நிர்ணயிக்கப்பட்ட குறைந்தபட்ச ஓய்வூதிய தொகை இதுவரை உயர்த்தப்படவில்லை. வாழ்க்கைச் செலவுகள் கணிசமாக உயர்ந்துள்ள நிலையில், பல தொழிற்சங்கங்கள் இந்த தொகையை அதிகரிக்க வலியுறுத்தி வருகின்றன.
இந்த சூழலில், பாஜக எம்.பி பசவராஜ் தலைமையிலான நாடாளுமன்ற குழு, மத்திய தொழிலாளர் அமைச்சகத்திடம் EPS-95 ஓய்வூதியத்தை அதிகரிக்க உடனடியாக நடவடிக்கை எடுக்க வேண்டும் என பரிந்துரை செய்துள்ளது. மேலும், EPS திட்டத்தின் மூன்றாம் தரப்பு மதிப்பீடு நடத்தவும் வலியுறுத்தியுள்ளது.
இதன் மூலம், ஓய்வூதியதாரர்களுக்கு ரூ.7,500 வரை ஓய்வூதியம் வழங்கும் திட்டம் அமலாக்கப்படுமென எதிர்பார்க்கப்படுகிறது. கடந்த 30 ஆண்டுகளில் இது போன்ற ஒரு முழுமையான மதிப்பீடு நடக்கிறது என்பது முக்கியத்துவம் வாய்ந்தது.
இந்த பரிந்துரை ஏற்கப்பட்டால், 2025 முடிவுக்குள் ஓய்வூதியத் தொகையில் உயர்வு கிடைக்க வாய்ப்புள்ளது என எண்ணலக்கணக்கான ஓய்வூதியதாரர்கள் எதிர்பார்த்துக்கொண்டு உள்ளனர்.
