பஞ்சாபில் 8 சுங்கச்சாவடிகள் மூடப்பட்டன. முதல்வர் பகவத்சிங்மான் அதிரடி.

ஒன்றிய அரசால் தேசிய நெடுஞ்சாலைகளிலும் நான்கு வழிப் பாதைகளிலும் சுங்கச்சாவடிகள் நடத்தப்பட்டு வருகின்றன. அவற்றில் இந்த சாலைகள் போடப்பட்டதற்கான செலவுகளுக்கும் தொடர் பராமரிப்பிற்கும் வாகன உரிமையாளர்களிடம் சுங்கக் கட்டணம் வசூலிக்கப்பட்டு வருகிறது. இவற்றில் அடிக்கடி கட்டணங்களும் உயர்த்தப்படுவதால் அணைத்துப் பொருள்களின் விலைவாசிகளும் உயர்ந்து கொண்டே வருகின்றன. எனவே, 15 ஆண்டுக்கு மேற்பட்ட சுங்கச்சாவடிகளை மூடவேண்டும் என்ற கோரிக்கை தொடர்ந்து எழுப்பப்பட்டு வருகிறது.

இந்த நிலையில் பஞ்சாப் முதல்வர் பகவத்சிங்மான் அதிரடியாக 8 சுங்கச்சாவடிகளை மூடச்செய்து உத்தரவிட்டுள்ளார். பஞ்சாப் மாநிலத்தில் மொத்தம் உள்ள 37 சுங்கச்சாவடிகளில் 8 சுங்கச்சாவடிகளை இன்றோடு மூடப்படவதாக அறிவித்துள்ளார். படிப்படியாக பிற டோல்கேட்களும் மூடுவதற்குரிய நடவடிக்கை எடுக்கப்படும் என அவர் அறிவித்துள்ளார். வாடகைக்கு சாலைகள் என்ற சகாப்தம் பஞ்சாபில் முடிந்து விட்டது என்று முதல்வர் பகவத்சிங்மான் அறிவித்துள்ளார்.ஹொஷியார்பூர் மாவட்டத்தில் உள்ள மஜாரி, பாலாசார், தங்கல் சஹீதான் ஆகிய சுங்கச்சாவடிகள் மூடப்பட்டன. திராத்புர் சாஹிப் சாலை சுங்கச்சாவடியும் மூடப்பட்டது.

இதுபோல் நாடெங்கிலும் உள்ள அணைத்து மாநிலங்களிலும் உள்ள சுங்கச்சாவடிகள் மீது அந்தந்த மாநில முதல்வர்கள் நடவடிக்கை எடுக்க வேண்டும் என அணைத்து மக்களும் எதிர்பார்த்து காத்திருக்கின்றனர்.