2027 ஆகஸ்ட் 2 – நூற்றாண்டின் நீடித்த முழு சூரிய கிரகணம்: 6 நிமிடங்கள் இருள், உலகமே ஆச்சரியம்!

2027 ஆம் ஆண்டு ஆகஸ்ட் 2ஆம் தேதி, உலகம் ஒரு அபூர்வமான முழு சூரிய கிரகணத்தை காணப்போகிறது. இந்த கிரகணம் சுமார் 6 நிமிடங்கள் 23 வினாடிகள் வரை நீடிக்கிறது. இது நூற்றாண்டின் மிக நீளமான முழு சூரிய கிரகணமாக ஜோதிடவியல் மற்றும் வானியல் ஆர்வலர்களால் குறிப்பிடப்படுகிறது.

இந்த கிரகணம் ஐரோப்பா, வட ஆப்பிரிக்கா மற்றும் மத்திய கிழக்குப் பகுதிகளில் தெளிவாக காணப்படும். சூரியன் மறைந்த பிறகு சந்திரன் மற்றும் சூரியன் ஒரு நேர்த்தியான நிலைபெற்று கரோனாவின் பிரகாசமான வளையத்தை காணலாம்.

இதனை சிறப்பாக்கும் காரணிகள்:

• கிரகண நாளில் பூமி அப்ஹீலியன் நிலையில் இருப்பதால் சூரியன் சிறியதாக தெரியும்.

• சந்திரன் பெரிகீ நிலையில் இருப்பதால் பெரியதாக தெரியும்.

• இதனுடன் கிரகண பாதை பூமத்திய ரேகைக்கு அருகில் செல்லும். இதனால் சந்திரனின் நிழல் மெதுவாக நகரும்.

இதற்கான பாதை அட்லாண்டிக் பெருங்கடலிலிருந்து தொடங்கி,
ஸ்பெயின், மொராக்கோ, அல்ஜீரியா, துனிசியா, லிபியா, எகிப்து, சூடான், சவுதி அரேபியா, ஏமன், சோமாலியா ஆகிய பகுதிகளில் கடந்துவிடும். பின்னர் சாகோஸ் தீவுக்கூட்டம் மற்றும் இந்தியப் பெருங்கடல் வரை சென்றடையும்.

இந்த கிரகணத்தை காண சிறந்த இடங்கள் லிபியா, எகிப்து போன்ற பகுதிகள் என வானியல் வல்லுநர்கள் கூறுகிறார்கள்.

2027 ஆகஸ்ட் 2 – உலகமே ஒரு கணம் இருள் நிறைந்ததாய் மாறும் இந்த வானியல் நிகழ்வை தவறவிடவே கூடாது. இது உங்களுக்கும், உங்கள் குடும்பத்திற்கும் ஒருபோதும் மறக்க முடியாத அனுபவமாக இருக்கும்!