இந்தியா
தமிழ்நாடு சட்டமன்ற தேர்தல் முடிவுகள் 2026 – அரசியல் கட்சிகளைப் புரட்டிப் போட்ட தமிழ்நாடு மக்கள்
தமிழ்நாடு சட்டமன்ற தேர்தல் முடிவுகள் 2026 – அரசியல் கட்சிகளைப் புரட்டிப் போட்ட தமிழ்நாடு மக்கள்
தமிழ்நாடு சட்டமன்ற தேர்தல் கடந்த ஏப்ரல் 23ம் தேதி நடைபெற்றது. திமுக தலைமையில் ஒரு கூட்டணி அதிமுக தலைமையில் ஒரு கூட்டணி தவெக தனியாக ஒரு அணி நாதக தனியாக ஒரு அணி சசிகலா ராமதாஸ் கூட்டணி என 5 முனை போட்டி நிலவியது.
234 தொகுதிகளிலும் பதிவான வாக்குகள் இன்று காலை 8.00 மணி முதல் 62 வாக்கு எண்ணும் மையங்களில் எண்ணப்பட்டன. தொடங்கியதிலிருந்தே விஜய் தலைமையிலான தமிழக வெற்றிக் கழகம் பரவலாக முன்னிலையில் இருந்து வந்தது.
இன்றைய வாக்கு எண்ணிக்கையில் அறிவிக்கப்பட்ட முதல் வெற்றி மேலூர் தொகதியில் காங்கிரஸ் வேட்பாளர் விஸ்வநாதன் வெற்றிதான்.
அதனைத் தொடர்ந்து திருச்சி மேற்கில் திமுகவின் கே.என்.நேரு வெற்றி பெற்றார். தியாகராய நகரில் தவெகவின் புஸ்ஸி ஆனந்த் வெற்றி பெற்றார். விராலிமலையில் அதிமுகவின் சி.விஜயபாஸ்கர் வெற்றி பெற்றார்.திருமங்கலத்தில் அதிமுகவின் ஆர்பி.உதயகுமார் தோல்வி அடைந்தார். தூத்துக்குடியில் தவெகவின் ஸ்ரீநாத் வெற்றி பெற்றார். திருமயத்தில் திமுகவின் எஸ்.ரகுபதி வெற்றி பெற்றார்.
கோவை தெற்கில் திமுகவின் செந்தில் பாலாஜி வெற்றி பெற்றார்.
ராஜபாளையத்தில் தவெகவின் ஜெகதீஸ்வரி வெற்றி பெற்றார்.
சேப்பாக்கம்-திருவல்லிக்கெணியில் உதயநிதி ஸ்டாலின் வெற்றி பெற்றார்.
கொளத்தூரில் திமுக தலைவரும் தமிழ்நாடு முதலமைச்சருமான மு.க.ஸ்டாலின் தோல்வி அடைந்தார்.
திருவாரூரில் திமுகவின் பூண்டி கலைவாணன் வெற்றி பெற்றார். கூடலூர் தொகுதியில் திமுகவின் திராவிடமணி வெற்றி பெற்றார்.
மாலை 4.30 மணி நிலவரப்படி திமுக கூட்டணி 76 இடங்களிலும் அதிமுக கூட்டணி 53 இடங்களிலும் தவெக 105 இடங்களிலும் முன்னிலை பெற்றுள்ளது. சீமானின் நாதக ஒரு இடத்தில் கூட முன்னிலை பெறவில்லை.
பெரம்பூர் தொகுதியில் தவெக தலைவர் விஜய் வெற்றி பெற்றார். தமிழ்நாட்டின் அடுத்த முதல்வராகிறார் விஜய்.
இறுதி மற்றும் விரிவான தேர்தல் செய்திகள் இன்று மாலையில் வெளிவரும்.
