அப்பா வயதுள்ள ஹீரோக்களுடன் ஜோடி சேருவது ஏன்?: ஷ்ருதிஹாசன்!

தன் அப்பா வயதுள்ள கதாநாயகர்களுடன் ஜோடி சேர்வது குறித்து எழுந்துள்ள கேலிகளுக்கு ஷ்ருதிஹாசன் பதிலளித்துள்ளார்.

‘ஏழாம் அறிவு’ படம் மூலமாக தமிழில் நடிகையாக அறிமுகமானவர் ஷ்ருதிஹாசன். இதன் பிறகு ‘புலி’, ‘3’ உள்ளிட்ட பல படங்களில் இவர் நடித்திருக்கிறார். தமிழில் கடைசியாக இவர் நடிப்பில் ‘லாபம்’ திரைப்படம் வெளியானது. அதன் பிறகு ‘வீர சிம்ஹா ரெட்டி’, ‘வால்டர் வீரையா’ போன்ற பல படங்களில் நடித்துள்ளார். இதில் பாலகிருஷ்ணா, சிரஞ்சீவி போன்ற தன்னைவிட பல வயது மூத்த கிட்டத்தட்ட தன் அப்பாவின் வயதை ஒத்த நடிகர்களுடன் அதிகமாக ஷ்ருதிஹாசன் ஜோடி சேர்ந்து நடிப்பதாக இணையத்தில் கேலிகள் வந்தது.

இது குறித்து தற்பொழுது சமீபத்திய பேட்டி ஒன்றில் ஷ்ருதிஹாசன் பதில் அளித்துள்ளார். அவர் கூறியிருப்பதாவது, “கதாநாயகிகள் மட்டுமல்ல கதாநாயகர்களும் தன்னைவிட வயது குறைவான நடிகைகளுடன் ஜோடி சேர்ந்தே நடிக்கிறார்கள். இதில் தவறு ஒன்றும் இல்லை என்றே நினைக்கிறேன். இது அந்த கதைக்கும் கதாபாத்திரத்திற்கும் தேவைப்படுவது. மேலும், இது நாங்கள் தனிப்பட்ட முறையில் எடுத்த முடிவு கிடையாது. அது அந்த கதைக்கும் இயக்குநரும் எடுத்த முடிவு எனும் பொழுது இப்படி வரும் கேள்விகளை நானோ இயக்குநரோ அல்லது அந்த கதாநாயகரோ பொருட்படுத்த வேண்டிய அவசியமே கிடையாது.

இதுதான் என்னுடைய புரிதல். இந்த புரிதல் இல்லாமல் கேலி செய்பவர்கள் குறித்து நான் எந்த விதத்திலும் கவலைப்பட போவது கிடையாது. அது மட்டும் அல்ல யாரும் ஷ்ருதிஹாசன் வயதான பெண் போல தெரிகிறார் என்று சொல்வதில்லை. நான் இப்பொழுதும் பாப்பா போல இளமையாக இருக்கிறேன் என்று இந்த கமெண்ட்டை பாசிட்டிவாக எடுத்துக் கொள்வேன்” என்று இதை இந்த கேள்விக்கு பதில் அளித்துள்ளார் ஷ்ருதிஹாசன்.