மகளிர் உரிமைத்தொகை ரூ.1500 ஆக உயர்வு – மத்திய பிரதேச முதல்வர் அதிரடி அறிவிப்பு!

மகளிர் உரிமைத்தொகை மாதம் ரூ.1500 ஆக உயர்வு – மத்திய பிரதேசத்தில் முக்கிய அறிவிப்பு!

மத்திய பிரதேசத்தில் பெண்களுக்கு வழங்கப்படும் மாத உதவித்தொகையான ‘லட்லி பெஹனா யோஜனா’ திட்டத்தின் கீழ் தற்போது ரூ.1250 வழங்கப்பட்டு வருகிறது.

இந்நிலையில், ரக்ஷாபந்தன் பண்டிகையை முன்னிட்டு முதல்வர் மோகன் யாதவ் ஒரு முக்கிய அறிவிப்பை வெளியிட்டுள்ளார். அதில், சிறப்பு போனஸாக முழு தொகையாக ரூ.1500 வழங்கப்படும் எனத் தெரிவித்துள்ளார்.

இதனால், வரும் மாதம் மத்திய பிரதேச மாநில பெண்கள் அதிகரிக்கப்பட்ட தொகையை பெற உள்ளனர். இந்த முடிவு பெண்களிடையே மகிழ்ச்சியை ஏற்படுத்தியுள்ளது.

இந்த திட்டம் தமிழகத்தில் முதன்முதலில் செயல்படுத்தப்பட்ட ‘மகளிர் உரிமைத்தொகை’ திட்டத்தை ஒட்டியே உருவாக்கப்பட்டது. தற்போது, மகாராஷ்டிரா, மேற்கு வங்காளம், டெல்லி, ஜார்கண்ட் உள்ளிட்ட மாநிலங்களிலும் இதுபோன்ற உதவித்தொகை திட்டங்கள் செயல்படுத்தப்பட்டு வருகின்றன.