ஆன்மீகம்
30 ஆண்டுகளுக்குப் பிறகு உருவாகும் விஷ யோகம்: மீனம், மேஷம், மகர ராசிக்காரர்கள் கவனம்!
30 ஆண்டுகளுக்கு பிறகு சனி சந்திரன் சேர்ந்து உருவாக்கும் விஷ யோகம்:
விபரீதமான யோகங்களில் ஒன்று என்றால், அது விஷ யோகம். சனி மற்றும் சந்திரன் ஒன்றாகக் கூடும்போது இந்த யோகம் உருவாகி, வாழ்க்கையில் சிக்கல்கள், நட்டங்கள் மற்றும் தடைப்பாடுகளை ஏற்படுத்தும். இந்த ஆண்டு ஜூலை 18-ஆம் தேதி கும்ப ராசியில் சனி-சந்திரன் சந்திப்பு ஏற்படுவதால் விஷ யோகம் உருவாகிறது.
இந்த யோகம், மீனம், மேஷம், மகர ராசிக்காரர்களுக்கு வீண் செலவுகள், பொருளாதார இழப்புகள் மற்றும் மனஅழுத்தங்களை உருவாக்கக்கூடும் என ஜோதிடர்கள் எச்சரிக்கின்றனர்.
மீனம்:
மீன ராசிக்காரர்கள் நிதி விஷயங்களில் பெரும் சிக்கல்கள் சந்திக்கலாம். வருமானத்தைக் காட்டிலும் செலவுகள் அதிகரிக்கும். தொழிலில் போட்டிகள், தடைகள், பணவசதி குறைவு ஏற்படும். வங்கி சேமிப்பும் குறையும். குடும்பத்திலும் மனைவி மற்றும் பிள்ளைகள் தொடர்பாக செலவுகள் அதிகரிக்கலாம். வியாபாரத்தில் கவனமுடன் செயல்பட வேண்டும்.
மேஷம்:
மேஷ ராசிக்காரர்களுக்கு இந்த யோகம் 12வது வீட்டில் பாதிப்பை ஏற்படுத்தும். தேவையற்ற செலவுகள் அதிகரிக்கும். குடும்ப உறவுகளில் ஆடம்பர விருப்பங்கள் சேமிப்பை பாதிக்கலாம். தொழிலில் பெரிய முதலீடுகள் தவிர்க்க வேண்டும். ஏற்றுமதி, இறக்குமதி வியாபாரங்களில் நட்டம் ஏற்படும். தொழில்நுட்பம், விவசாயம், ஜவுளி துறையில் இருப்பவர்கள் கூடுதல் எச்சரிக்கையுடன் இருக்க வேண்டும்.
மகரம்:
மகர ராசிக்காரர்களுக்கு இந்த யோகம் 3வது வீட்டில் உருவாகிறது. உடன் பிறந்தவர்கள், உறவினர்களுடன் சொத்து தொடர்பான வாக்குவாதங்கள் ஏற்படும். பங்குசந்தை முதலீடுகளில் நட்டம் ஏற்படும். தொழிலில் போட்டிகள் அதிகரிக்கும். உடல் நலத்தில் நாள்பட்ட நோய்கள் சிக்கல் தரலாம். புதிய முதலீடுகள், புதிய தொழில் தொடக்கம் தவிர்ப்பது நல்லது.
பரிகாரம்:
இந்த ராசிக்காரர்கள் சனி பகவானை வழிபட்டு, ஹனுமான் சாலிசா, கோளறு பதிகம் போன்றவற்றை பாராயணம் செய்தால் நன்மை பெறலாம். காரியங்களில் அதி ஆவலோ, விரைவோ வேண்டாம்; பொறுமை காக்க வேண்டும்.
