’தளபதி 66’ படத்தின் டைட்டில் மற்றும் ஃபர்ஸ்ட்லுக் போஸ்டர்!

தளபதி விஜய் நடிப்பில் வம்சி இயக்கத்தில் உருவாகி வரும் தளபதி 66 படத்தின் பர்ஸ்ட் லுக் மற்றும் டைட்டில் வெளியாகி இணையதளங்களில் வைரலாகி வருகிறது

இந்த படத்தின் தயாரிப்பு நிறுவனம் தனது டுவிட்டர் பக்கத்தில் சற்றுமுன் இந்த படத்தின் டைட்டிலை அதிகாரபூர்வமாக வெளியிட்டுள்ளது.

இந்த போஸ்டரின்படி இந்த படத்தின் டைட்டில் ‘வாரிசு’ என வைக்கப்பட்டுள்ளது. மேலும் விஜய்யின் அட்டகாசமான போஸ் இந்த ஃபர்ஸ்ட்லுக் போஸ்டரில் உள்ளதை அடுத்து இந்த போஸ்டரை விஜய் ரசிகர்கள் இணையதளங்களில் வைரலாக்கி வருகின்றனர்

‘வாரிசு’ படத்தின் முதல் கட்ட படப்பிடிப்பு ஏற்கனவே முடிவடைந்து இரண்டாம் கட்ட படப்பிடிப்பு தற்போது சென்னையில் நடைபெற்று வருகிறது. இதனை அடுத்து அடுத்த கட்ட படப்பிடிப்பு வெளி நாட்டில் நடைபெறும் என்று எதிர்பார்க்கப்படுகிறது

விஜய் ஜோடியாக ராஷ்மிகா மந்தனா இந்த படத்தில் பிரகாஷ்ராஜ், சரத்குமார், ஷாம், யோகிபாபு, பிரபு, ஜெயசுதா, ஸ்ரீகாந்த், சங்கீதா, சம்யுக்தா, குஷ்பு உள்பட பலர் நடித்து வருகின்றனர். இந்த படத்தை வம்சி இயக்கி வருகிறார். தில் ராஜூ தயாரிப்பில் தமன் இசையில் கார்த்திக் பழனி ஒளிப்பதிவில், பிரவிண் கே.எல் படத்தொகுப்பில் இந்த படம் உருவாகிறது. இந்த படம் அடுத்த ஆண்டு பொங்கல் தினத்தில் வெளியாகவுள்ளது என்பது குறிப்பிடத்தக்கது.

 

#Varisu pic.twitter.com/b2bwNNAQP8

— Vijay (@actorvijay) June 21, 2022