இந்தியா
தேவேந்திர ஃபட்னாவிஸ்தான் கர்நாடகத்தின் அடுத்த முதல்வரா..?- இந்த ட்விஸ்ட எதிர்பார்க்கலையே
கர்நாடக முதல்வராக இருந்த எடியூரப்பா, இன்று தன் பதவியை ராஜினாமா செய்தார். இதைத் தொடர்ந்து மகாராஷ்டிர மாநிலத்தின் முன்னாள் முதல்வராக இருந்த தேவேந்திர ஃபட்னாவிஸ், கர்நாடகத்தின் அடுத்த முதல்வராக பதவியேற்க உள்ளார் என்று தகவல்கள் வெளி வந்துள்ளன.
பாஜகவில் 75 வயதுக்கு மேற்பட்டவர்கள் பதவிகள் வகிக்கக் கூடாது என்கிற நடைமுறையின் கீழ், தன் முதல்வர் பதவியை ராஜினாமா செய்ய எடியூரப்பா பணிக்கப்பட்டார். தன் பொறுப்பைத் தக்க வைத்துக் கொள்ள எடியூரப்பா பல கட்ட முயற்சிகள் செய்தும் அது எதுவும் பலனளிக்கவில்லை.
Sources confirm that Fadnavis is already on a plane from MUM to BLR for his swearing-in as CM tomorrow.
— Srivatsa (@srivatsayb) July 26, 2021
இந்நிலையில் இன்று தான் ஆட்சியமைத்த இரண்டு ஆண்டு நிறைவடைந்த நாளில் தன் பதவியை ராஜினாமா செய்துள்ளார்.
தற்போது பாஜக தரப்பு, கர்நாடக முதல்வராக அடுத்ததாக யாரை நியமிக்கும் என்கிற கேள்வி பெங்களூரு வட்டாரத்தை பரபரக்கச் செய்து உள்ளன. அதில் அதிர வைக்கும் வகையில், கர்நாடகத்துக்குச் சம்பந்தமே இல்லாத தேவேந்திர ஃபட்னாவிஸ் முதல்வராக பொறுப்பேற்பார் என்று சொல்லப்படுகிறது.
இது குறித்த தகவலை காங்கிரஸ் நிர்வாகி ஸ்ரீவட்ஸா ட்விட்டர் மூலம் தெரிவித்து உள்ளார்.
