‘வீட்டுக்கு வாங்க’: கிரிக்கெட் வீரர் நடராஜன் உடன் வீடியோ காலில் சரத்குமார்- ராதிகா..!

இந்திய கிரிக்கெட் அணியில் இடம்பெற்று உலக சாதனை படைத்த தமிழக கிரிக்கெட் வீரர் நடராஜனுக்கு வீடியோ கால் மூலம் சரத்குமார்- ராதிகா தம்பதியர் வாழ்த்துகளைத் தெரிவித்துள்ளனர்.

இந்தியக் கிரிக்கெட் அணியின் சார்பாக ஆஸ்திரேலியாவில் வலைப்பந்து வீச்சாளராக ஆஸ்திரேலியா சென்றார் தமிழக வீரர் நடராஜன். ஆனால், எதிர்பாராத விதமாக ஆஸ்திரேலிய சுற்றுப்பயணத்திலேயே சர்வதேச அளவிலான ஒரு நாள் போட்டி, டி20, டெஸ்ட் போட்டிகள் என அனைத்திலும் அறிமுகம் ஆனார்.

வீடு திரும்பிய உடன் வெற்றியைக் கொண்டாட பழனிக்குச் சென்று மொட்டை அடித்துக் கொண்டார் நடராஜன். நடராஜன் பழனிக்குச் சென்றிருந்த சமயம் அவரை வாழ்த்த சரத்குமார்- ராதிகா ஆகிய இருவரும் அவரது ஊருக்குச் சென்ற்றுள்ளனர். அதன் பின்னர் அவர் இல்லாதது தெரிந்து நடராஜனுக்கு வீடியோ கால் மூலம் சரத்குமார்- ராதிகா வாழ்த்து தெரிவித்தனர்.

சமத்துவ மக்கள் கட்சியின் சார்பில் பிரசாரத்துக்கு செல்லும் இடங்களில் எல்லாம் நடராஜனை முன்னுதாரணம் காட்டுவதாக சரத்குமார் நட்டுவிடம் தெரிவித்தார். மேலும் சென்னை வந்தால் கண்டிப்பாக வீட்டுக்கு வர வேண்டும் என்றும் சரத்குமார் நட்டுவிடம் கேட்டுக் கொண்டார்.

சரத்குமார்- ராதிகா மகள் ரேயன் மிதுன் என்பவரை திருமணம் செய்து கொண்டுள்ளார். இவர் கர்நாடக அணிக்காக விளையாடும் கிரிக்கெட் வீரர். இதேபோல் வரலட்சுமி சரத்குமாரும் தற்போது ஒரு கிரிக்கெட் வீரரைத் தான் காதலித்து வருகிறார் என்பதும் குறிப்பிடத்தக்கது.

மண்டலம் வாரியான நிர்வாகிகள் ஆலோசனைக் கூட்டத்தில் பங்கேற்க நான் சேலம் வரும் போது கிரிக்கெட் வீரர் திரு நடராஜன் அவர்களை சந்தித்து அவருக்கு வாழ்த்து தெரிவிக்க எண்ணினேன். அவர் ஊரில் இல்லாத காரணத்தினால் வீடியோ காலில் பேசி அவருக்கு வாழ்த்துகளை தெரிவித்தேன். pic.twitter.com/LrErK8xMqo

— R Sarath Kumar (@realsarathkumar) February 1, 2021