ஜெயிலர் ஷூட்டிங் நிறைவு.. அப்பாடா ரஜினி முகத்தில் ஒரு தேஜஸ் தெரியுதே.. இந்த முறை மிஸ் ஆகாதோ?

விஜய்க்கு பீஸ்ட் எனும் ஒரு வேஸ்ட் படத்தைக் கொடுத்து பெயரைக் கெடுத்துக் கொண்ட இயக்குநர் நெல்சன் ரஜினிகாந்தை வைத்து ஜெயிலர் படத்தை இயக்கி வந்த நிலையில், தற்போது அந்த படத்தின் படப்பிடிப்பு ஒரு வழியாக முடிவடைந்து விட்டதாக அதிகாரப்பூர்வ அறிவிப்பு வெளியாகி உள்ளது.

சில வாரங்களுக்கு முன்னதாகவே ஜெயிலர் ஷூட்டிங் முடிந்து விட்டதாக கூறப்பட்ட நிலையில் தான் ரஜினிகாந்த் கெட்டப்பை மாற்றிக் கொண்டு லால் சலாம் ஷூட்டிங்கிற்காக மும்பை பறந்தார்.

ஒரு சில காட்சிகள் பேட்ச் ஒர்க் இருந்த நிலையில், ரஜினிகாந்த் நடித்தே தீர வேண்டும் என்கிற நிலையில், தற்போது மீண்டும் தொடங்கிய ஜெயிலர் படத்தின் ஷூட்டிங் முழுமையாக முடிந்து விட்டது என படக்குழுவுடன் கேக் வெட்டிக் கொண்டாடி உள்ளனர்.

ரஜினிகாந்த் உடன் நடிகை தமன்னா உள்ளிட்ட படக்குழுவினரும் இந்த படப்பிடிப்பு நிறைவு விழாவில் பங்கேற்றுள்ளனர். மேலும், வழக்கத்துக்கு மாறாக ரஜினி முகத்தில் மகிழ்ச்சி பீறிட்டு காணப்படும் நிலையில், ஜெயிலர் படம் நிச்சயம் சூப்பர் ஸ்டாருக்கு பிளாக்பஸ்டர் ஹிட் படமாக அமையும் என ரசிகர்கள் எதிர்பார்ப்பை எகிற விட தொடங்கி உள்ளனர்.

இந்த படத்தில் கன்னட சூப்பர் ஸ்டார் சிவராஜ்குமார், மலையாள திரையுலகின் முன்னணி நடிகர் மோகன்லால், ஜாக்கி ஷெராஃப், சுனில், ரம்யா கிருஷ்ணன், சந்தோஷ் பிரதாப், யோகி பாபு உள்ளிட்ட பலர் நடித்துள்ளனர். அனிருத் இசையமைத்துள்ளார். ஜூன் மாத இறுதிக்குள் ஃபர்ஸ்ட் சிங்கிள் வெளியாகும் என்றும் தெரிகிறது.