‘தளபதி 66’ திரைப்படத்தில் இணைந்த மூன்று பிரபலங்கள்: அதிகாரபூர்வ அறிவிப்பு!

தளபதி விஜய் நடித்து வரும் ‘தளபதி 66’ படத்தின் படப்பிடிப்பு ஐதராபாத்தில் உள்ள விறுவிறுப்பாக நடைபெற்று வருகிறது. இந்த நிலையில் இந்த படத்தில் மூன்று பிரபலங்கள் இணைந்து உள்ளதாக அதிகாரப்பூர்வமாக அறிவிக்கப்பட்டுள்ளது.

இந்த படத்தில் விஜய் ஜோடியாக ராஷ்மிகா மந்தனா நடித்து வருவதாகவும் விஜய் சகோதரராக ஷாம் மற்றும் விஜய் தந்தையாக சரத்குமார் நடித்து வருவதாகவும் ஏற்கனவே அறிவிக்கப்பட்டிருந்தது.

இந்த நிலையில் தற்போது இந்த படத்தில் பிரபு முக்கிய வேடத்தில் நடிக்க இருப்பதாக அறிவிக்கப்பட்டுள்ளது. அவர் அனேகமாக ராஷ்மிகா தந்தையாக நடிப்பார் என்று எதிர்பார்க்கப்படுகிறது .

மேலும் ஜெயசுதா இந்த படத்தில் இணைந்து உள்ளதை அடுத்து இவர் பிரபுவுக்கு ஜோடியாக நடிக்கலாம் என்று கூறப்படுகிறது. மேலும் நடிகர் பிரகாஷ்ராஜ் இந்த படத்தில் இணைந்து உள்ளதாக அறிவிக்கப்பட்டது என்பதும், இவர் விஜய்யின் மற்றொரு சகோதரராக நடிக்கலாம் என்று கூறப்படுகிறது .

பிரபு, பிரகாஷ்ராஜ் மற்றும் ஜெயசுதா ஆகிய மூன்று பிரபலங்கள் இந்த படத்தில் இணைந்து உள்ளது அதிகாரபூர்வமாக அறிவிக்கப்பட்டுள்ளதை அடுத்து பெரும் பரபரப்பு ஏற்பட்டுள்ளது. தமன் இசையில் உருவாகி வரும் இந்த படத்தை வம்சி இயக்கி வருகிறார் என்பதும் தில் ராஜூ தயாரித்து வருகிறார் என்பது குறிப்பிடத்தக்கது.