பழைய ஓய்வூதிய திட்டம் மீண்டும் அமலுக்கு வருமா? அமைச்சர் நம்பிக்கை அளித்தார்!

பழைய ஓய்வூதிய திட்டம் மீண்டும் அமலாகுமா? அமைச்சர் ஐ.பெரியசாமி உறுதியளிப்பு!

தமிழகத்தில் 2003ஆம் ஆண்டில் புதிய ஓய்வூதிய திட்டம் (New Pension Scheme) அமலுக்கு வந்தது. இதற்கமைய அரசு ஊழியர்கள் மற்றும் ஆசிரியர்கள் தங்களது சம்பளத்தில் ஒரு பகுதியை ஓய்வூதிக்காக பங்களிக்க வேண்டிய கட்டாயம் ஏற்பட்டது. பழைய ஓய்வூதியத்தில் இருந்தபடி முழுமையான ஓய்வூதியம் பெறும் வாய்ப்பு புதிய திட்டத்தில் இல்லை என்பதால், பலர் அதற்கு கடும் எதிர்ப்பு தெரிவித்து வருகின்றனர்.

இதனையடுத்து, அரசு ஊழியர்கள் மற்றும் ஆசிரியர்கள் பழைய ஓய்வூதிய திட்டத்தை (Old Pension Scheme – OPS) மீண்டும் அமல்படுத்தக்கோரியும், டிட்டோஜேக் கூட்டமைப்பின் தலைமையிலான போராட்டங்கள் பல கட்டங்களில் நடைபெற்று வருகின்றன. ஜூலை 18ஆம் தேதி, தமிழகமுழுவதும் மறியல் போராட்டம் நடத்தப்பட்டது.

இந்நிலையில், இந்த விவகாரம் குறித்து அமைச்சர் ஐ. பெரியசாமி மீண்டும் நம்பிக்கையூட்டும் வகையில் கருத்து தெரிவித்துள்ளார். கல்வி துறையில் நடைபெற்று வரும் வேலைநிறுத்தம் மற்றும் ஓய்வூதிய கோரிக்கைகள் குறித்து முதல்வர் மு.க. ஸ்டாலின் சட்டமன்றத்தில் விளக்கம் அளித்துள்ளதாகவும், ஓய்வூதிய கோரிக்கையை ஆய்வு செய்யும் கமிட்டி உருவாக்கப்பட்டுள்ளது என்றும், விரைவில் நல்ல முடிவு எடுக்கப்படும் என்றும் அமைச்சர் தெரிவித்துள்ளார்.