சுந்தர் பிச்சை, சத்ய நாதெள்ளாவை பின்னுக்கு தள்ளிய முகேஷ் அம்பானி.. குவியும் வாழ்த்துக்கள்

பிராண்ட் ஃபைனான்ஸ் உலகின் தலைசிறந்த சி.இ.ஓகளின்பட்டியலை வெளியிட்டுள்ள நிலையில் அதில் ரிலையன்ஸ் இண்டஸ்ட்ரீஸ் தலைவர் முகேஷ் அம்பானி இரண்டாவது இடத்தைப் பிடித்துள்ளார்.

பிராண்ட் ஃபைனான்ஸ் பிராண்ட் கார்டியன்ஷிப் இன்டெக்ஸ் 2023 என்ற அமைப்பு உலகின் சிறந்த சி.இ.ஓக்களை பட்டியலிட்டுள்ளது. இதில் ஜென்சன் ஹுவாங் முதலிடத்திலும்,ம் முகேஷ் அம்பானி இரண்டாவது இடத்திலும் உள்ளன.

ஒவ்வொரு ஆண்டும் பிராண்ட் கார்டியன்ஷிப் இன்டெக்ஸ், நீண்ட கால பிராண்ட் உருவாக்கம், தனிப்பட்ட நற்பெயரை நிர்வகிப்பதன் மூலம் சிறந்த சி.இ.ஓகளை பிராண்ட் வேல்யூேஷன் கன்சல்டன்சி பிராண்ட் ஃபைனான்ஸ் அமைப்பு பட்டியலிட்டு வருகிறது.

இந்த பட்டியலில் இந்திய மற்றும் இந்திய வம்சாவளி தலைமை நிர்வாக அதிகாரிகளில் மைக்ரோசாப்டின் சத்யா நாதெல்லா மற்றும் கூகுளின் சுந்தர் பிச்சை போன்றவர்களை முகேஷ் அம்பானி முந்தியுள்ளார் . இதனையடுத்து முகேஷ் அம்பானிக்கு வாழ்த்துக்கள் குவிந்து வருகிறது.

சிறந்த ஆற்றல், சில்லறை நிறுவனங்களை பல்வகைப்படுத்தல், நேர்மறையான மாற்றம், அர்ப்பணிப்பு ஆகியவை அம்பானியின் சிறந்த செயல்திறனாக குறிப்பிடப்பட்டுள்ளது. மேலும் செயற்கை நுண்ணறிவு, டிஜிட்டல் உயிரியல், காலநிலை அறிவியல் மற்றும் தன்னாட்சி வாகனங்கள் மற்றும் ரோபாட்டிக்ஸ் ஆகியவற்றில் கவனம் செலுத்துவதன் மூலம் அடுத்த தலைமுறை நிறுவனத்தை நடத்தி வருவதாக உலகின் சிறந்த தலைமை சி.இ.ஓவாக Nvidia CEO ஜென்சன் ஹுவாங் முதலிடம் பிடித்தார். கடந்த 2022ஆம் ஆண்டு முதல் இடத்தில் இருந்த மைக்ரோசாப்ட் சி.இ.ஓ சத்யா நாதெல்லா இந்த ஆண்டு 3வது இடத்தை பிடித்துள்ளார்.

நான்காவது இடத்தை அடோப் நிறுவனத்தின் சாந்தனு நாராயண், ஐந்தாவது இடத்தை கூகிள் சி.இ.ஓ சுந்தர் பிச்சை, ஆறாவது இடத்தில் Deloitte இன் சி.இ.ஓ புனித் ரஞ்சன் மற்றும் ஏழாவது இடத்தில் Estee Lauder நிறுவனத்தின் சி.இ.ஓ Fabrizio Freda ஆகியோர் உள்ளனர். உலகின் சிறந்த சிஇஓக்கள் பட்டியலில் 8வது இடத்தை டாடா சன்ஸ் நிறுவனத்தின் நடராஜன் சந்திரசேகரன் பெற்றார்.

இந்திய சி.இ.ஓகளில் முகேஷ் அம்பானி மற்றும் என் சந்திரசேகரன் ஆகியோர் முதல் 10 இடங்களில் உள்ளனர் என்பதும், ஒட்டுமொத்தமாக, முதல் 100 இடங்களில் 6 இந்திய சி.இ.ஓக்கள் உள்ளனர் என்பதும் குறிப்பிடத்தக்கது.