புதன் பெயர்ச்சி 2026: கடக ராசிக்குள் நுழைந்த புதன்! இந்த 5 ராசிகளுக்கு லட்சுமி கடாட்சம், பணவரவு மற்றும் அதிர்ஷ்ட மழை!

புதன் பெயர்ச்சி 2026: இந்த 5 ராசிகளுக்கு செல்வம், வெற்றி மற்றும் லட்சுமி அருள் கிடைக்கும் காலம்!

ஜோதிடத்தில் கிரகங்களின் இளவரசராக போற்றப்படும் புதன் பகவான், அறிவு, புத்திசாலித்தனம், பேச்சுத்திறன் மற்றும் வணிக நுணுக்கத்திற்கான காரணி கிரகமாகக் கருதப்படுகிறார். பொதுவாக புதன் ஒரு ராசியில் சுமார் 14 முதல் 30 நாட்கள் வரை தங்கி பின்னர் அடுத்த ராசிக்கு பெயர்ச்சி அடைவார்.

ஜோதிட கணக்குகளின்படி, புதன் பகவான் ஜூன் 22ஆம் தேதி பிற்பகல் 3.41 மணியளவில் கடக ராசிக்குள் நுழைந்துள்ளார். இந்த பெயர்ச்சி அனைத்து 12 ராசிகளுக்கும் தாக்கத்தை ஏற்படுத்தினாலும், குறிப்பாக 5 ராசிக்காரர்களுக்கு மிகவும் சுபபலன்களை வழங்கும் என்று ஜோதிடர்கள் கூறுகின்றனர். மேலும், அன்னை மகாலட்சுமியின் அருளால் செல்வ வளமும் முன்னேற்றமும் அதிகரிக்கும் வாய்ப்புகள் உருவாகும்.

மிதுனம்

மிதுன ராசியின் அதிபதி புதன் என்பதால் இந்த பெயர்ச்சி மிகவும் சாதகமானதாக அமையும். கல்வி, அறிவு மற்றும் திறமைகளை வெளிப்படுத்த சிறந்த வாய்ப்புகள் கிடைக்கும். நீண்ட காலமாக நிலுவையில் இருந்த வேலைகள் நிறைவேறும். மாணவர்கள் கல்வியில் சிறப்பான முன்னேற்றத்தை அடைவதுடன், தங்களுக்குப் பிடித்த துறைகளில் வெற்றி காண்பார்கள்.

கடகம்

புதன் நேரடியாக கடக ராசியில் சஞ்சரிப்பதால் தொழில் மற்றும் பொருளாதார வளர்ச்சி அதிகரிக்கும். குறிப்பாக நீர் சார்ந்த தொழில்கள், அழகு பராமரிப்பு துறைகள் மற்றும் சேவைத் தொழில்களில் இருப்பவர்களுக்கு நல்ல லாபம் கிடைக்கும். குடும்பத்தில் மகிழ்ச்சியும் செல்வச் செழிப்பும் அதிகரிக்கும்.

கன்னி

கன்னி ராசிக்காரர்களுக்கு இந்த பெயர்ச்சி பல்வேறு துறைகளில் முன்னேற்றத்தைத் தரும். ஆசிரியர்கள், ஜோதிடர்கள், சட்டத்துறை நிபுணர்கள், பயிற்சி மைய உரிமையாளர்கள் ஆகியோருக்கு சிறப்பான பலன்கள் கிடைக்கும். எழுத்து, இசை, கலை, ஊடகம் மற்றும் பதிப்புத்துறை சார்ந்த பணிகளில் இருப்பவர்களுக்கு புகழும் வருமானமும் உயரும். வணிகம் மற்றும் மருத்துவத் துறையிலும் நல்ல வளர்ச்சி காணப்படும்.

துலாம்

துலாம் ராசிக்காரர்களுக்கு புதன் பெயர்ச்சி பல சாதகமான மாற்றங்களை ஏற்படுத்தும். புதிய வீடு, வாகனம் வாங்கும் யோகம் உருவாகலாம். தொழிலில் புதிய வாய்ப்புகள் கிடைக்கும். திருமண வயதில் உள்ளவர்களுக்கு நல்ல வரன் அமையும் வாய்ப்புகள் அதிகரிக்கும்.

மீனம்

மீன ராசிக்காரர்களுக்கு சுப நிகழ்வுகள் நடைபெறும் காலமாக இது அமையும். திருமணத் தடை நீங்கி நல்ல செய்திகள் வரலாம். உறவினர்கள் மற்றும் நண்பர்களுடனான மனக்கசப்புகள் விலகி நல்லிணக்கம் ஏற்படும். ஜாதகத்தில் புதன் வலிமையாக இருந்தால் மனநிறைவு, மகிழ்ச்சி மற்றும் பொருளாதார வளர்ச்சி அதிகரிக்கும்.

புதன் கிரகத்தின் அருளைப் பெற செய்ய வேண்டிய பரிகாரங்கள்

புதனின் சுபபலன்களை அதிகரிக்க புதன்கிழமைகளில் வெண்கலப் பாத்திரங்கள், எழுதுபொருட்கள், பச்சை நிற ஆடைகள், பச்சைப்பயறு, பச்சைக் காய்கறிகள் மற்றும் மரகதம் போன்ற பச்சை நிற பொருட்களை தானம் செய்யலாம்.

மேலும்,

“ஓம் புதாய நமஹ”
“ஓம் நமோ நாராயணாய”
“ஓம் சந்திர புத்த்ராய நமஹ”
“ஓம் விஸ்வரூபாய நமஹ”

என்ற மந்திரங்களை பக்தியுடன் ஜபிப்பது புதனின் அருளைப் பெற உதவும் என நம்பப்படுகிறது.