வணிகம்
ஜூலை 1 முதல் மிகப்பெரிய மாற்றங்கள்: ஆதார், பான், ரயில் டிக்கெட், கிரெடிட் கார்டு உள்ளிட்ட புதிய விதிகள்!
ஜூலை 1, 2025 முதல் பல முக்கிய விதிகளில் மாற்றங்கள்: உங்கள் தினசரி வாழ்க்கையை பாதிக்கக்கூடிய 7 முக்கிய மாற்றங்கள்!
ஜூலை மாதம் தொடங்க உள்ள நிலையில், அரசு மற்றும் தனியார் துறைகளில் பல புதிய விதிமுறைகள் அமலுக்கு வர உள்ளன. இது பொதுமக்களின் நாளாந்த செலவுகள் மற்றும் நிதி திட்டமிடலில் மாற்றங்களை ஏற்படுத்தும். இப்போது பார்க்கலாம் ஜூலை 1 முதல் அமலுக்கு வரும் 7 முக்கிய மாற்றங்களை:
1. பான்-ஆதார் இணைப்பு கட்டாயம்
மத்திய நேரடி வரி வாரியம் (CBDT) அறிவிப்பின்படி, பான் கார்டு பெற ஆதார் அட்டை கட்டாயமாக்கப்பட்டுள்ளது. ஏற்கனவே பான் மற்றும் ஆதார் இரண்டும் உள்ளவர்கள், இரண்டையும் இணைக்க 2025 டிசம்பர் 31 வரை அவகாசம் உள்ளது. இல்லையெனில் அபராதம் விதிக்கப்படலாம்.
2. தட்கல் டிக்கெட் OTP விதி
IRCTC புதிய விதிப்படி, தட்கல் டிக்கெட் முன்பதிவுக்கு OTP கட்டாயமாக்கப்படுகிறது. இது பயணியின் பதிவு செய்யப்பட்ட மொபைல் எண்ணில் பெறப்படும்.
3. HDFC கிரெடிட் கார்டு செலவுகளுக்கு கட்டணம்
HDFC வங்கி புதிய கட்டண விதிகளை அறிவித்துள்ளது:
கேமிங் செயலிகளில் மாதம் ₹10,000 செலவிட்டால் 1% கட்டணம்
Paytm, Freecharge போன்ற செயலிகளில் பண பரிவர்த்தனைக்கு 1% கட்டணம்
4. ICICI வங்கியின் ATM கட்டண உயர்வு
ICICI வாடிக்கையாளர்கள் மற்ற வங்கிகளின் ATM-ஐ பயன்படுத்தும்போது, மாதம் 3 முறைக்கு மேல் பணம் எடுத்தால்,
பண பரிவர்த்தனைக்கு ₹23
non-cash பரிவர்த்தனைக்கு ₹8.50 கட்டணம் விதிக்கப்படும்.
5. பயன்பாட்டு பில்களுக்கு கூடுதல் கட்டணம்
HDFC கிரெடிட் கார்டு மூலம்
மாதம் ₹50,000 மதிப்புள்ள பயன்பாட்டு பில் செலுத்தினால் 1% கட்டணம்
₹15,000-ஐ கடக்கும் எரிபொருள் செலவுகளுக்கும் இதே விதி பொருந்தும்.
6. எல்பிஜி சிலிண்டர் விலை மாற்றம்
எந்த எண்ணெய் நிறுவனம் எரிவாயு விலையை நிர்ணயிக்கும் என்பதற்காக மாதம் ஆரம்பத்தில் திருத்தம் செய்யப்படுகிறது. ஜூலை 1-ல் சிலிண்டர் விலையில் மாற்றம் வரலாம் என எதிர்பார்க்கப்படுகிறது.
7. EPFO 3.0 புதுப்பிப்பு
ஜூலை மாதத்துக்குள் EPFO 3.0 அமலுக்கு வரலாம். இது வழமையான சேவைகளை (பணம் எடுப்பது, விவரங்கள் புதுப்பித்தல், க்ளெய்ம்கள்) எளிமைப்படுத்தும். கூடுதலாக, EPF ATM கார்டு மூலம் நேரடியாக PF பணத்தை ATM-இல் இருந்து எடுக்க முடியும்.
ஜூலை 1, 2025 முதல் அமலுக்கு வரவுள்ள இந்த மாற்றங்கள் உங்கள் நிதி மேலாண்மை மற்றும் செலவுகள் மீது நேரடி தாக்கம் ஏற்படுத்தக்கூடும். அதனால் இவற்றை முன்னோக்கி திட்டமிட்டு செயற்படுவது அவசியம்.
