வணிகம்
2027க்குள் எல்ஐசி பங்குகளில் 10% விற்பனை – மத்திய அரசு திட்டம்!
2027க்குள் 10% LIC பங்குகளை விற்க மத்திய அரசு திட்டம்!
மத்திய அரசு 2027ம் ஆண்டுக்குள் எல்ஐசி பங்குகளில் 10% பகுதியை விற்பனை செய்ய திட்டமிட்டுள்ளது. நிதி அமைச்சகத்தின் முதலீடு மற்றும் பொது சொத்து மேலாண்மைத் துறை (DIPAM), இதற்காக வணிக வங்கியாளர்கள் மற்றும் சட்ட ஆலோசகர்களிடமிருந்து ஏலத்துக்கு அழைப்பு விடுத்துள்ளது.
2025-26 நிதியாண்டில், சந்தை நிலைமைகளை கருத்தில் கொண்டு 2-3% பங்குகளை விற்பனை செய்யும் முயற்சி நடைபெற இருக்கிறது. இது, ஏககால சலுகையாக (OFS) செய்யாமல், பல சிறிய தவணைகளில் பங்குகளை விற்பனை செய்யும் வாய்ப்பு உள்ளது.
செபி விதிமுறைகளுக்கு ஏற்ப பங்கு விற்பனை
- SEBI விதிமுறை படி, பட்டியலிடப்பட்ட அனைத்து நிறுவனங்களும் குறைந்தபட்சம் 25% பொது பங்குதாரர்களை கொண்டிருக்க வேண்டும். இதன் காரணமாக LIC பங்கு விற்பனை தேவை ஏற்பட்டுள்ளது.
- LIC, 2027 மே 16-ம் தேதிக்குள் 10% பொது பங்குதாரர்களை அடைய மூன்று ஆண்டுகள் நீட்டிப்பு பெற்றுள்ளது. 1 லட்சம் கோடிக்கு மேல் சந்தை மூலதனத்தைக் கொண்ட நிறுவனங்களுக்கு 25% பொது பங்குதாரர்கள் இருக்க 5 ஆண்டு கால அவகாசம் வழங்கப்பட்டுள்ளது.
LIC பங்கு விலை சரிவும், எதிர்பார்ப்பும்
🔻 கடந்த 1 வருடத்தில் LIC பங்கு விலை 23.29% சரிவடைந்துள்ளது.
🔻 2024 ஆண்டு தொடக்கத்திலிருந்து 15.61% வீழ்ச்சி ஏற்பட்டுள்ளது.
🔻 கடந்த 6 மாதங்களில் 26.66%, 3 மாதங்களில் 18.60%, 1 மாதத்தில் 3.37% வீழ்ச்சி.
🔻 நீண்ட காலத்திலும், குறுகிய காலத்திலும் பங்கு மதிப்பு மேலும் குறைய வாய்ப்பு இருக்கிறது.
2022ம் ஆண்டு LIC IPO மூலம் 3.5% பங்குகளை விற்பனை செய்தது. இதில் ₹21,000 கோடி வசூலித்தது.
