’காஞ்சனா 3’ கானா பாட்டு ரிலீஸ்; நல்லாவே இல்லை என ரசிகர்கள் கமென்ட்!

லாரன்ஸுக்கு காஞ்சனா சீரிஸ் மற்றும் வெற்றியை தருவது நிச்சயம் மேஜிக் ஆன ஒன்றுதான். வரும் ஏப்ரல் 19ம் தேதியும் மீண்டும் அந்த மேஜிக் திரையில் நடக்குமா என வெயிட் செய்து பார்ப்போம்.

நெஞ்சை பதறவைக்கும் பேய் படத்தையும், வயிறு குலுங்க சிரிக்க வைக்கும் காமெடி படத்தையும் மிக்ஸ் செய்து பேய் – காமெடி ஜானர் படமாக உருவான முனி ஹிட்டடித்தது. இதில், லாரன்ஸுக்கு ஜோடியாக வேதிகா நடித்திருந்தார். அம்மா கதாபாத்திரத்தில் கோவை சரளா அசத்தியிருந்தார்.

அதன் இரண்டாம் பாகமாக வெளியான காஞ்சனா படம் சரத்குமார் மற்றும் லாரன்ஸின் நடிப்பில் மாபெரும் வெற்றி படமாக அமைந்தது.

அதற்கு அடுத்து வெளியான காஞ்சனா 2 படம் நூறு கோடி வசூலை ஈட்டிய படமாக பிளாக்பஸ்டர் ஆனது. காஞ்சனா 2ம் பாகத்தில், லாரன்ஸுக்கு ஜோடியாக டாப்ஸி மற்றும் நித்யா மேனன் நடித்திருந்தனர்.

இந்நிலையில், காஞ்சனா 3 வரும் ஏப்ரல் 19ம் தேதி, அதாவது தமிழகத்தில் மக்களவைத் தேர்தலுக்கு அடுத்த நாள் வருகிறது. இந்த படத்தில் லாரஸுக்கு ஜோடியாக வேதிகா மற்றும் ஓவியா நடித்துள்ளனர்.

இந்த படத்தில் இடம்பெற்றுள்ள ’நண்பனுக்கு கோவில் கட்டு’ கானா பாடலின் லிரிக் வீடியோவை சன்பிக்சர்ஸ் தற்போது வெளியிட்டது.

ஆனால், பாடல் சிறப்பாக இல்லை என லாரன்ஸின் ரசிகர்களே பலர் வருத்தப்பட்டு கமென்ட் செய்து வருகின்றனர். மேலும், சிலர், எந்த பாடலாக இருந்தாலும், அதை மாஸ்டர் தனது நடனத்தால், மாஸ் ஆக்கிவிடுவார் என்றும் கூறி வருகின்றனர்.