செய்திகள்
கலைஞர் மகளிர் உரிமைத் தொகைக்கு ஏற்கனவே விண்ணப்பித்தவர்கள் என்ன செய்ய வேண்டும்? முழு விவரம் இதோ!
கலைஞர் மகளிர் உரிமைத் தொகை திட்டத்துக்காக ஏற்கனவே விண்ணப்பித்தவர்கள் என்ன செய்ய வேண்டும்? அரசு முக்கிய அறிவிப்பு!
தமிழக அரசு நடைமுறைப்படுத்திய கலைஞர் மகளிர் உரிமைத் தொகை திட்டத்தில் மாதம் ரூ.1000 பெற ஏற்கனவே விண்ணப்பித்த பலர், தங்களின் விண்ணப்ப நிலை பற்றி குழப்பத்தில் உள்ளனர். தற்போது புதிய விண்ணப்பங்கள் ஜூலை 15ஆம் தேதி முதல் பெறப்படுகிறது. அதில் முதலில் வரும் விண்ணப்பங்களுக்கு முன்னுரிமை வழங்கப்படும் என அறிவிக்கப்பட்டுள்ளது.
இதையடுத்து, ஏற்கனவே விண்ணப்பித்தவர்கள், மீண்டும் விண்ணப்பிக்க வேண்டுமா? என சந்தேகப்படுகிறார்கள். இதற்கான அரசு விளக்கம் வந்துள்ளது.
✅ ஏற்கனவே விண்ணப்பித்தவர்கள் செய்ய வேண்டியது:
முதலில், உங்கள் விண்ணப்ப நிலையை சரிபார்க்க வேண்டும்.
விண்ணப்ப நிலை, ஏற்கப்பட்டதா அல்லது நிராகரிக்கபட்டதா என்பதை தெரிந்துகொள்ளலாம்.
https://kmut.tn.gov.in/login.html என்ற இணையதளத்தில் உங்கள் ஆதார் எண்ணை உள்ளிட்டு Login செய்து விண்ணப்ப நிலையை அறியலாம்.
மேலும், உங்களுடன் ஸ்டாலின் முகாமுக்கு நேரில் சென்றால் அங்குள்ள அலுவலர்கள் உங்கள் விண்ணப்ப நிலையை உடனடியாக சொல்லிவிடுவார்கள்.
விண்ணப்பம் நிராகரிக்கப்பட்டிருந்தால்:
நிராகரிப்பிற்கான காரணத்தை தெரிந்து கொள்ளுங்கள்.
அது தவறான காரணமாக இருந்தால், உங்களுடன் ஸ்டாலின் முகாம் அல்லது அரசுத் தொலைபேசி மூலம் மேல்முறையீடு செய்யலாம்.
ஆவணங்கள் தவறாக இருந்தால், சரியான ஆவணங்களுடன் மீண்டும் விண்ணப்பிக்கலாம்.
தகுதிகள் உள்ளவர்களுக்கு விண்ணப்பம் கட்டாயம் ஏற்கப்படும் என அரசு தெரிவித்துள்ளது. எனவே உங்கள் ஆவணங்கள் முழுமையாகவும் சரியாகவும் உள்ளதா என்பதை உறுதி செய்யுங்கள்.
