செய்திகள்
உங்களுடன் ஸ்டாலின் முகாம் மூலம் கலைஞர் மகளிர் உரிமைத் தொகை விண்ணப்பிக்குங்கள் – முகாம்கள் எங்கு நடைபெறுகிறது?
கலைஞர் மகளிர் உரிமைத் தொகை பெறுவதற்கான விண்ணப்பங்களை பெறும் முகாம்கள் தற்போது தமிழகம் முழுவதும் நடைபெற்று வருகிறது.
தமிழ்நாடு முதல்வர் மு.க.ஸ்டாலின் ஜூலை 15 ஆம் தேதி தொடங்கிய ‘உங்களுடன் ஸ்டாலின்’ முகாம் திட்டம், மாநிலம் முழுவதும் 10,000 இடங்களில் நடத்தப்பட உள்ளது. இந்த முகாம்களின் மூலம் நகர்ப்புறங்களில் 13 துறைகள் மூலம் 43 சேவைகள், மற்றும் ஊரகப்பகுதிகளில் 15 துறைகள் மூலம் 45 சேவைகள் வழங்கப்படுகின்றன.
கலைஞர் மகளிர் உரிமைத் தொகைக்கான விண்ணப்பம் பெறுவது எப்படி?
மகளிர் உரிமைத் தொகை பெற விரும்பும் தகுதியுள்ளவர்கள் முகாம்களில் நேரிலேயே விண்ணப்பத்தைப் பெற்றுச் செய்யலாம்.
இந்த விண்ணப்பங்கள் வெளியே யாரிடமும் வழங்கப்படுவதில்லை; இது அரசு முகாம்களில் மட்டுமே வழங்கப்படுகிறது.
தனிப்பட்ட நபர்கள், இடைத்தரகர்கள் மூலம் விண்ணப்பம் பெற முடியாது என அரசு தெரிவிக்கிறது.
முகாம்கள் எங்கு நடைபெறுகிறது என்பதை எப்படி அறியலாம்?
https://ungaludanstalin.tn.gov.in/index.php இணையதளத்தை திறக்கவும்.
முகாம்கள் குறித்த விவரங்கள் என்ற பகுதியை கிளிக் செய்யவும்.
உங்கள் மாவட்டத்தை தேர்ந்தெடுத்தால், அன்றைய தேதி மற்றும் மாவட்ட வாரியான முகாம்களின் விவரங்கள் PDF வடிவில் கிடைக்கும்.
அதை பதிவிறக்கம் செய்து, உங்கள் பகுதியில் முகாம் நடைபெறுகிறதா என்பதை தெரிந்துகொள்ளலாம்.
முகாம்களின் நேரம்: காலை 9 மணி முதல் பிற்பகல் 3 மணி வரை.
மகளிர் உரிமைத் தொகைக்கு தகுதி பெற்றவர்கள் மற்றும் இது வரை தவறியுள்ளவர்கள், நேரில் முகாம்களுக்கு சென்று விண்ணப்பங்களை பூர்த்தி செய்து வழங்கலாம். விரைவில் பயனாளிகள் பட்டியல் வெளியாகும் என அரசு தெரிவித்துள்ளது.
