INDvENG – 2 நாளில் முடிந்த 3வது டெஸ்ட்; குஜராத் பிட்ச்-ஐ கேவலப்படுத்திய யுவ்ராஜ் சிங், இங்கி., ஆஸி., வீரர்கள்!

இந்தியா – இங்கிலாந்து அணிகளுக்கு இடையேயான மூன்றாவது டெஸ்ட் போட்டி இரண்டு நாளில் முடிவுக்கு வந்துள்ளது பல கிரிக்கெட் ரசிகர்களை மட்டுமல்ல, கிரிக்கெட் வீரர்களையும் அதிர்ச்சிக்கு உள்ளாக்கி இருக்கிறது. இதனால் குஜராத்தின் நரேந்திர மோடி மைதானம் மீது அதிக விமர்சனங்கள் எழுந்துள்ளன.

3வது போட்டிக்கான டாஸ் வென்ற இங்கிலாந்து முதல் நாளிலேயே அனைத்து விக்கெட்டுகளையும் இழந்து 112 ரன்கள் எடுத்தது. இதைத் தொடர்ந்து விளையாடிய இந்தியா, 145 ரன்களுக்கு சுருண்டது. தொடர்ந்து இரண்டாவது நாளில் விளையாடிய இங்கிலாந்து அணி, 81 ரன்களுக்கு அனைத்து விக்கெட்டுகளையும் பறிகொடுத்தது. இதனால் 49 ரன்கள் எடுத்தால் வெற்றி என்று இந்தியாவுக்கு நிர்ணயிக்கப்பட்டது. இந்த இலக்கை இந்திய அணி, 10 விக்கெட் வித்தியாசத்தில் அடைந்து மாபெரும் வெற்றியைப் பதிவு செய்தது. இதன் மூலம் 4 போட்டிகள் கொண்ட டெஸ்ட் தொடரில் இந்திய அணி, 2 – 1 என்று முன்னிலைப் பெற்றுள்ளது. அடுத்தப் போட்டியும் நரேந்திர மோடி மைதானத்தில் தான் நடக்க உள்ளது குறிப்பிடத்தக்கது.

finished in 2 days Not sure if that’s good for test cricket !If @anilkumble1074 and @harbhajan_singh bowled on these kind of wickets they would be sitting on a thousand and 800 ?????However congratulations to ???????? @akshar2026 what a spell! congratulations @ashwinravi99 @ImIshant ????

— Yuvraj Singh (@YUVSTRONG12) February 25, 2021

இந்நிலையில் இந்த ஆட்டம் குறித்தும் நரேந்திர மோடி பிட்ச் குறித்தும் கருத்து தெரிவித்துள்ள இந்திய அணியின் முன்னாள் வீரர் யுவராஜ் சிங், ‘இரண்டு நாட்களில் டெஸ்ட் முடிந்தது நல்லதுதானா என்று எனக்குத் தெரியவில்லை. இதைப் போன்ற விக்கெட்டுகளில் அனில் கும்ப்ளேவும் ஹர்பஜன் சிங்கும் பந்து வீசியிருந்தால் அவர்கள் 1000 மற்றும் 800 விக்கெட்டுகளைக் கைப்பற்றி இருப்பர்’ என்று தெரிவித்துள்ளார்.

அவரைப் போலவே இங்கிலாந்து அணியின் முன்னாள் கேப்டன் மைக்கெல் வாகன், ‘இந்தப் போட்டி மிகுந்த பொழுதுபோக்கு அம்சம் நிறைந்தவையாக இருந்தது. ஆனால் இது டெஸ்ட் கிரிக்கெட் போட்டிக்கு ஏற்ற விக்கெட் கிடையாது’ என்று சாடியுள்ளார்.

Entertaining .. YES .. but this is a awful pitch for Test cricket .. !!!! Complete lottery on day 2 !! #INDvENG

— Michael Vaughan (@MichaelVaughan) February 25, 2021

ஆஸ்திரேலிய அணியின் முன்னாள் வீரர் மார்க் வாக், ‘அடுத்த டெஸ்ட் போட்டியில் ஜடேஜா விளையாடி இருந்தால், அணிகள் அடிக்கும் ரன்கள் இன்னும் குறைவாக இருக்கும். ஜோ ரூட்டுக்கு 5 விக்கெட்டுகள் கிடைக்கும் போது, இந்த பிட்ச்சின் தராதரம் தெரிகிறது’ என்று விமர்சித்துள்ளார்.

இப்படி பலரது விமர்சனக்குத்துக்கும் உள்ளான குஜராத் பிட்ச், அடுத்தப் போட்டிக்கு மாற்றப்படுமா என்கிற கேள்வி எழுந்துள்ளது.