குடிசைகளுக்கு தீ வைப்பு: புதுக்கோட்டையில் பதற்றம்

புதுக்கோட்டை மாவட்டம் வடகாடு அருகே நேற்று கோயில் திருவிழாவின் போது இருதரப்பினருக்கு இடையே பயங்கர மோதல் ஏற்பட்டது. இந்த மோதலில் அரிவாளால் வெட்டப்பட்ட 5 பேர் படுகாயங்களுடன் அருகில் உள்ள மருத்துவமனையில் அனுமதிக்கப்பட்டுள்ளனர்.

மேலும், இந்த வன்முறை வெறியாட்டம் வீடுகள் மற்றும் இருசக்கர வாகனங்களுக்கும் பரவியது. ஆத்திரமடைந்த கும்பல் சில வீடுகளுக்கும், இருசக்கர வாகனங்களுக்கும் தீ வைத்து கொளுத்தியதால் அப்பகுதி முழுவதும் பதற்றமான சூழ்நிலை நிலவுகிறது. இதோடு அரசு பேருந்தின் கண்ணாடியும் உடைக்கப்பட்டதாக தகவல்கள் தெரிவிக்கின்றன.

சம்பவ இடத்திற்கு விரைந்து வந்த காவல்துறையினர் நிலைமையை கட்டுக்குள் கொண்டு வந்தனர். இந்த மோதல் தொடர்பாக இதுவரை 14 பேரை கைது செய்துள்ளனர். மேலும் அசம்பாவித சம்பவங்கள் நடைபெறாமல் இருக்க வடகாடு கிராமம் முழுவதும் காவல்துறையினரின் குவிக்கப்பட்டுள்ளானர்.

அரிவாள் வெட்டில் காயமடைந்தவர்களுக்கு மருத்துவமனையில் தீவிர சிகிச்சை அளிக்கப்பட்டு வருகிறது. இந்த மோதல் தொடர்பாக காவல்துறையினர் தீவிரமாக விசாரித்து வருகின்றனர்.