EPS ஓய்வூதியம் எப்படி கணக்கிடப்படும்? – உங்கள் ஓய்வூதியம் ரூ.7,000 வரைக்கும் ஆகுமா பார்க்கலாம்!

EPS ஓய்வூதியம்: நீங்கள் இபிஎஃப் உறுப்பினரா? ஓய்வுக்கு பிறகு கிடைக்கும் மாத ஓய்வூதியம் எவ்வளவு என்பதை இங்கே தெரிந்துகொள்ளலாம்.

EPFO (Employees’ Provident Fund Organisation) ஊழியர்களுக்கான ஓய்வூதியத்திட்டமான EPS (Employees’ Pension Scheme)ஐ நிர்வகிக்கிறது. இது ஊழியர்களுக்கு ஓய்வுக்குப் பிந்தும் பாதுகாப்பை வழங்கும் முக்கிய திட்டமாகும்.

EPS-ல் பங்களிப்பு எப்படி செயல்படுகிறது?
EPF கணக்கில், ஊழியர் மற்றும் நிறுவன இருவரும் 12% வீதம் பங்களிக்கின்றனர். இதில் நிறுவனத்தின் பங்களிப்பிலிருந்து 8.33% EPS கணக்கிற்கும், 3.67% EPF கணக்கிற்கும் செல்கின்றன. EPS வாயிலாக ஒரு ஊழியர் 58 வயதில் ஓய்வுபெற்றால் மாத ஓய்வூதியம் பெற வாய்ப்பு உள்ளது. விருப்பப்பட்டால் 50 வயதில் ‘Early Pension’ பெறவும் முடியும்.

 EPS-ல் பெறக்கூடிய ஓய்வூதியம் எவ்வளவு?

EPS மூலம் கிடைக்கும் ஓய்வூதிய தொகை உங்கள் சேவை வருடங்களையும், அடிப்படை சம்பளத்தையும் பொருத்தது. ஆனால் இதில் ஒரு வரம்பு உள்ளது – EPS கணக்கீட்டிற்கான அதிகபட்ச அடிப்படை சம்பளம் ரூ.15,000 ஆகவே கருதப்படும்.

 EPS ஓய்வூதியக் கணக்கீட்டு சூத்திரம்:

(ஓய்வூதிய சம்பளம் × சேவை ஆண்டுகள்) ÷ 70

இங்கு,

• ஓய்வூதிய சம்பளம் என்பது கடந்த 12 மாதங்களின் சராசரி அடிப்படை சம்பளத்தை (அதிகபட்சம் ₹15,000) குறிக்கும்.

• சேவை ஆண்டுகள் என்பது EPS-ல் இணைந்த ஒட்டுமொத்த பணியாண்டுகள்.

 உதாரணம்:

ஒரு ஊழியரின் அடிப்படை சம்பளம் ₹59,000 என்றாலும் EPS கணக்கீட்டில் ₹15,000 மட்டும் எடுத்துக் கொள்ளப்படும்.

• 20 ஆண்டுகள் சேவைக்கு: (15,000 × 20) ÷ 70 = ₹4,285

• 25 ஆண்டுகள் சேவைக்கு: (15,000 × 25) ÷ 70 = ₹5,357

• 33 ஆண்டுகள் சேவைக்கு: (15,000 × 33) ÷ 70 = ₹7,071

 EPS-ல் குறைந்தபட்ச ஓய்வூதியம்:

EPS வாயிலாக கிடைக்கும் குறைந்தபட்ச ஓய்வூதியம் ரூ.1,000. அதிகபட்சம் ரூ.15,000 வரை மட்டுமே வழங்கப்படும்.

வேலையை மாற்றும்போது EPS என்ன ஆகும்?

வேலை மாற்றும்போது EPF தொகையை UAN வாயிலாகப் புதிய கணக்குடன் இணைக்கலாம். ஆனால் EPS தொகை பழைய பாஸ்புக்கில் பதிவு செய்யப்படும். இருப்பினும் சேவை வருடங்கள் ஒரு சேர கணக்கில் வைக்கப்படுவதால் ஓய்வூதிய கணக்கீட்டில் தடையில்லை.

EPS என்பது ஓய்வுக்குப் பிந்தும் நிலையான வருமானத்தை உறுதி செய்யும் திட்டம். இது ஊழியர்களின் எதிர்காலத்திற்கான நிதி பாதுகாப்பை உறுதிசெய்கிறது.