வணிகம்
அக்டோபர் 1 முதல் அரசு ஊழியர்களுக்கான ஈட்டிய விடுப்பு சரண் நடைமுறை மீண்டும் அமலில்!
அரசு ஊழியர்கள் மற்றும் ஆசிரியர்களுக்கு மகிழ்ச்சி செய்தி – அக்டோபர் 1 முதல் ஈட்டிய விடுப்பு சரண் நடைமுறை மீண்டும் அமல்!
தமிழ்நாடு அரசு, அரசு ஊழியர்கள் மற்றும் பள்ளி ஆசிரியர்களுக்காக நீண்ட நாட்களாக நிலுவையில் இருந்த ஈட்டிய விடுப்பு (Earned Leave) சரண் செய்யும் நடைமுறையை மீண்டும் செயல்படுத்த இருக்கிறது. இந்த நடைமுறை 2025 அக்டோபர் 1 ஆம் தேதி முதல் அதிகாரப்பூர்வமாக நடைமுறைக்கு வரும் என்று அறிவிக்கப்பட்டுள்ளது.
கொரோனா காலத்தில் ஏற்பட்ட நிதிச் சுமையால், இந்த திட்டம் தற்காலிகமாக நிறுத்தப்பட்டது. இருப்பினும், அதன் பின்னர் ஊழியர்கள் மற்றும் ஆசிரியர்கள் தொடர்ந்து கோரிக்கை விடுத்ததால், முதல்வர் மு.க.ஸ்டாலின் சட்டப்பேரவையில் 110 விதியின் கீழ் பேசியபோது, இது அக்டோபர் முதல் மீண்டும் செயல்படும் என வாக்குறுதி அளித்திருந்தார்.
இப்போது, அந்த வாக்குறுதி நடைமுறைக்கு வருகிறது. இதன் மூலம், அரசு ஊழியர்கள் மற்றும் ஆசிரியர்கள் தங்களுடைய ஈட்டிய விடுப்பு நாட்களில் அதிகபட்சம் 15 நாட்கள் வரை சரண் செய்து அதற்கான பணப்பலன்களை பெறலாம்.
இது ஊழியர்களின் நலனை கருத்தில் கொண்டு எடுக்கப்பட்ட சிறந்த முடிவாகும். அரசு ஊழியர்கள் மற்றும் ஆசிரியர்கள் இந்நிலையில் மகிழ்ச்சி அடைந்துள்ளனர்.
