ஜூலை முதல் கிரெடிட் கார்டுகளில் வர இருக்கும் இந்த மாற்றங்கள் பற்றி எல்லாம் தெரியுமா?

ஜூலை 2025 முதல் பல முக்கிய கிரெடிட் கார்டு நிறுவனங்கள் தங்களது விதிமுறைகளில் மாற்றங்களை அறிவித்துள்ளன. இதில் SBI Card, HDFC Bank மற்றும் American Express ஆகிய நிறுவனங்கள் பெரும் மாற்றங்களை செயல்படுத்துகின்றன. இவை பில்லிங் முறைகள், கட்டணங்கள், ரிவார்ட் பாயிண்டுகள் மற்றும் இன்சூரன்ஸ் பாதுகாப்புகள் போன்றவற்றில் பாதிப்பை ஏற்படுத்தும்.

SBI Card ஜூலை 15 முதல் புதிய மினிமம் அமவுண்ட் ட்யூ (MAD) கணக்கீட்டு முறையை அறிமுகப்படுத்துகிறது. புதிய முறையில், MAD-யில் ஜிஎஸ்டி முழுமையாக, EMI தொகைகள், பல்வேறு கட்டணங்கள், நிதி கட்டணங்கள் மற்றும் கிரெடிட் வரம்பை மீறிய தொகை சேர்க்கப்படும். மேலதிகமாக, மீதமுள்ள நிலுவை தொகையில் 2% கூட சேர்க்கப்படும். இதோடு, வாடிக்கையாளர் கட்டும் தொகைகள் முதலில் ஜிஎஸ்டிக்கு செலுத்தப்படும், அதன் பிறகு EMI, கட்டணங்கள், நிதிச்செலவுகள், பேலன்ஸ் டிரான்ஸ்ஃபர், ரீடெயில் பரிவர்த்தனைகள் மற்றும் கடைசியாக கேஷ் அட்வான்ஸ் என நிர்ணயிக்கப்பட்ட வரிசையில் சமன்படுத்தப்படும். கூடுதலாக, SBI ELITE, PULSE, MILES ELITE போன்ற கார்டுகளுக்குக் கிடைக்கும் ₹1 கோடி விமான விபத்து இன்சூரன்ஸ் மற்றும் PRIME, MILES PRIME கார்டுகளுக்கான ₹50 லட்சம் இன்சூரன்ஸ் பாதுகாப்பு ரத்து செய்யப்படுகிறது.

HDFC Bank ஜூலை 1 முதல் பல கட்டண மாற்றங்களை அறிவித்துள்ளது. Skill-based gaming apps (Dream11, MPL, Rummy Culture போன்றவை) மூலம் மாதம் ₹10,000-ஐ தாண்டும் செலவுகளுக்கு 1% கட்டணம் வசூலிக்கப்படும், ₹4,999 வரை மட்டுமே இந்த கட்டணம் வரையறுக்கப்படும். இதேபோல், Paytm, Mobikwik போன்ற வாலெட்டுகளில் ₹10,000-ஐ தாண்டும் தொகைக்கு 1% கட்டணம் விதிக்கப்படும். யூட்டிலிட்டி பில்ல்கள் ₹50,000 (கன்சூமர் கார்டு) அல்லது ₹75,000 (பிசினஸ் கார்டு) என்ற வரம்புகளை தாண்டினால் 1% கட்டணம் அமலும், இதில் இன்சூரன்ஸ் செலவுகள் சேர்க்கப்படாது. வீடு வாடகை, எரிபொருள் மற்றும் கல்விச்செலவுகளுக்கான ஏற்கனைய 1% கட்டணமும் தொடரும், ஆனால் இது ₹4,999-க்கு மேல் செலுத்தப்படாது. எரிபொருளுக்கு ₹15,000 அல்லது ₹30,000-ஐ தாண்டும் போது மட்டுமே கட்டணம் பொருந்தும். கல்விச்செலவுகள் நேரடியாக பள்ளி அல்லது கல்லூரிக்கு செலுத்தப்பட்டால் கட்டணத்திலிருந்து விலக்கு அளிக்கப்படும். இன்சூரன்ஸ் செலவுகளில் ரிவார்ட் பாயிண்ட்-களுக்கும் வரையறைகள் வருவதாகவும் அறிவிக்கப்பட்டுள்ளது. Infinia கார்டுக்கு மாதம் 10,000 பாயிண்ட் வரை, Diners Black-க்கு 5,000 பாயிண்ட், மற்ற கார்டுகளுக்கு 2,000 பாயிண்ட் வரை மட்டுமே கிடைக்கும். Marriott Bonvoy கார்டுக்கு இந்த வரம்பு பொருந்தாது.

American Express தனது Gold Credit Card-இற்கான ரிவார்ட் வடிவமைப்பை ஜூன் 12, 2025 முதல் மாற்றியுள்ளது. இதன் கீழ் இனி பெட்ரோல், டீசல் மற்றும் CNG வாங்கும் செலவுகளுக்கு ரிவார்ட் பாயிண்ட் வழங்கப்படாது.

இந்த மாற்றங்கள் ஒவ்வொரு கிரெடிட் கார்டு பயனாளரும் அறிந்து கொள்ள வேண்டியவை. உங்கள் செலவுகளையும், ரிவார்ட் ஆதாயங்களையும் பொருத்து, கார்டுகளை பயன்படுத்தும் முறையைத் திட்டமிடுவது இப்போது மிக முக்கியமானது.