லாபம் குறைந்தும் டிவிடெண்ட் அறிவித்த CDSL… பங்கு விலை ஏன் வீழ்ச்சி கண்டது?

சென்ட்ரல் டெபாசிட்டரி சர்வீசஸ் (இந்தியா) லிமிடெட் (CDSL) நிறுவனத்தின் பங்குகள் இன்று மார்க்கெட்டில் 5 சதவீதத்திற்கும் மேல் சரிவைக் கண்டன. இன்று இன்ட்ராடேவாக பங்கு விலை ரூ.1,260 வரை குறைந்த நிலையில் இருந்தது. பின்னர் சிறிய திருத்தத்துடன் பங்கு விலை ரூ.1,266.80 வரை திரும்பியது. தற்போது பங்கு விலை 4.62% சரிவுடன் நிலைத்து வர்த்தகம் நடைபெற்று வருகிறது.

இதற்கான முக்கிய காரணமாக 2024-25 நிதியாண்டின் மார்ச் காலாண்டில் வெளியான குறைவான நிகர லாபம் இருக்கிறது. கடந்த ஆண்டு இதே காலத்தில் ரூ.129.4 கோடி லாபம் குவித்திருந்த CDSL, இந்த ஆண்டு அந்த அளவை விட 22.4 சதவீதம் குறைந்த ரூ.100.39 கோடி மட்டுமே லாபம் சம்பாதித்துள்ளது.

அதே நேரத்தில், நிறுவனத்தின் செயல்பாடுகளிலிருந்து வருவாய் ரூ.224.45 கோடியாக, முந்தைய காலாண்டை விட 6.7 சதவீதம் குறைந்துள்ளது.
இவ்வாறான லாபக் குறைவு ஏற்பட்டிருந்தாலும், ஒரு பங்கிற்கு ரூ.12.50 இறுதி டிவிடெண்ட் வழங்கப்படும் என CDSL அறிவித்துள்ளது.

முதலீட்டாளர்களுக்கு டிவிடெண்ட் வழங்கப்பட்டாலும், நிகர லாபத்தில் ஏற்பட்ட சரிவும் வருவாயில் ஏற்பட்ட குறைவும் முதலீட்டாளர்களின் நம்பிக்கையை பாதித்ததால், பங்கு விலைக்கு விழுந்துள்ளது.