பங்கு சந்தை
பிட்காயின் $121,000 மீட்டது: சடோஷி நாகமோட்டோவின் சொத்து மதிப்பு $128 பில்லியன்! யார் இவர்?
Published
11 மாதங்கள் agoon
By
Poovizhi
பிட்காயின் விலை தற்போது வரலாற்றின் புதிய உச்சமாக $121,000-ஐ தாண்டியுள்ளது. இந்த உயர்வால், அதன் மர்மமான உருவாக்குநர் சடோஷி நாகமோட்டோவின் சொத்து மதிப்பு $128.92 பில்லியனாக அதிகரித்துள்ளதாக Bitcoin.com செய்திகள் தெரிவிக்கிறது. இதன் மூலம், அவர் உலகின் 11வது பணக்காரராக கருதப்படுகிறார்.
இந்நிலையில், டெல் டெக்னாலஜிஸின் தலைவர் மற்றும் தலைமை நிர்வாக அதிகாரி மைக்கேல் டெல்லை முந்தி சடோஷி நாகமோட்டோ வலுவாக முன்னேறியுள்ளார். மைக்கேல் டெல்லின் சொத்து மதிப்பு தற்போது $124.8 பில்லியன் ஆகும். எனினும், நாகமோட்டோவின் பெரும்பாலான சொத்துகள் கிரிப்டோவாகவே இருப்பதால், ஃபோர்ப்ஸ் பில்லியனர் பட்டியலில் அவர் இடம்பெற வாய்ப்பு இல்லை என வல்லுநர்கள் தெரிவித்துள்ளனர்.
யார் இந்த சடோஷி நாகமோட்டோ?
சடோஷி நாகமோட்டோ எனப்படும் இந்தப் பெயர் பிட்காயின் உருவாக்குநர் அல்லது உருவாக்குநர்களின் குழுவை குறிக்கும் புனைப்பெயராக இருக்கலாம் என்று கருதப்படுகிறது. 2008ஆம் ஆண்டு உலக நிதி நெருக்கடியின் போது, பிட்காயின் குறித்த வெள்ளை அறிக்கையை நாகமோட்டோ வெளியிட்டார். 2010ம் ஆண்டு வரை மென்பொருள் மேம்பாட்டில் பங்கேற்ற அவர், அதன்பிறகு சமூகத்திலிருந்து மறைந்துவிட்டார்.
பிட்காயின் முதல் முறையாக 2009ல் உருவாக்கப்பட்டது. அதன் முதற்கட்ட பரிவர்த்தனை மே 22 அன்று, புளோரிடாவை சேர்ந்த ஒருவர் 10,000 பிட்காயின்கள் கொடுத்து இரண்டு பீட்சா வாங்கிய நிகழ்வாகும். அந்த நாள் தற்போது பிட்காயின் பீட்சா தினமாக கொண்டாடப்படுகிறது.
சடோஷி நாகமோட்டோவின் பிட்காயின் பணப்பை இன்னும் தொடப்படாமல் 2010 முதல் உள்ளது. இதனால் அவர் உயிருடன் உள்ளாரா இல்லையா என்பது மர்மமாகவே உள்ளது. 2011ல் ஒரு டெவலப்பருக்கு பதிலளிக்கையில், “நான் வேறு விஷயங்களில் கவனம் செலுத்துகிறேன். அது கவின் மற்றும் பிறரின் கையில் நல்ல நிலையில் உள்ளது,” எனக் கூறியதாக தகவல்கள் கூறுகின்றன.
நாகமோட்டோ யார்?
பலரும் நாகமோட்டோவாக சந்தேகிக்கப்பட்டுள்ளனர். 2024ல் வெளியான HBO ஆவணப்படம், கனடிய மென்பொருள் வல்லுநர் பீட்டர் டோட் அவராக இருக்கலாம் என கூறினாலும், அவர் மறுத்துவிட்டார். ஆஸ்திரேலிய கணினி விஞ்ஞானி கிரெய்க் ரைட் நாகமோட்டோ என்று தன்னை அறிவித்தாலும், நீதிமன்றம் அதை நிரூபிக்கவில்லை. டோரியன் நாகமோட்டோ எனும் மற்றொரு நபரின் பெயரும் இதில் மிதந்து வருகிறது.
இவ்வளவு வருடங்களாக அடையாளம் தெரியாமல் இருந்தாலும், பிட்காயின் மதிப்பு தொடர்ந்து உயர்ந்து வருகிறது. டொனால்ட் டிரம்ப் அமெரிக்க அதிபராக பொறுப்பேற்ற பிறகு கிரிப்டோவின் வளர்ச்சி வேகம் மேலும் கூடியது என்பது குறிப்பிடத்தக்கது.
J. Poovizhi is the Senior Sub Editor at BhoomiToday.com, with a B.A. in English from Thiruvalluvar University. She brings extensive expertise in Employment News, Astrology, and Devotional Content, delivering insightful and well-researched articles to readers. With a keen eye for detail and a passion for diverse subjects, Poovizhi ensures content quality that resonates with a wide audience.
