கனரா வங்கியின் காலாண்டு லாபம் சரிவு.. ஆனால் ஆண்டு லாபத்தில் 12% உயர்வு!

பொதுத்துறை வங்கிகளில் முக்கிய இடம் வகிக்கும் Canara Bank, 2026 நிதியாண்டின் மார்ச் காலாண்டு நிதி முடிவுகளை வெளியிட்டுள்ளது. இதில், காலாண்டு அடிப்படையில் வங்கியின் தனிப்பட்ட நிகர லாபம் குறைந்திருந்தாலும், முழு நிதியாண்டு லாபத்தில் கணிசமான உயர்வு பதிவாகியுள்ளது.

காலாண்டு லாபத்தில் சரிவு

2026 நிதியாண்டின் நான்காம் காலாண்டில் (Q4FY26), கனரா வங்கியின் தனிப்பட்ட நிகர லாபம் ஆண்டுக்கு ஆண்டு அடிப்படையில் 10% குறைந்து ரூ.4,505.57 கோடியாக உள்ளது.

கடந்த ஆண்டு இதே காலகட்டத்தில் வங்கியின் லாபம் ரூ.5,002.66 கோடியாக இருந்தது. மேலும், முந்தைய காலாண்டான Q3FY26-ல் இருந்த ரூ.5,155.11 கோடியுடன் ஒப்பிடும்போது, காலாண்டு அடிப்படையில் 12.6% சரிவு ஏற்பட்டுள்ளது.

ஆண்டு லாபத்தில் உயர்வு

இருப்பினும், முழு 2026 நிதியாண்டை பொருத்தவரை, வங்கியின் மொத்த லாபம் 12.7% உயர்ந்து ரூ.19,186.67 கோடியாக அதிகரித்துள்ளது.

2025 நிதியாண்டில் இந்த லாபம் ரூ.17,026.67 கோடியாக இருந்தது குறிப்பிடத்தக்கது.

நிகர வட்டி வருமானம் உயர்வு

மார்ச் காலாண்டில் வங்கியின் நிகர வட்டி வருமானம் (NII) ஆண்டுக்கு ஆண்டு அடிப்படையில் சுமார் 4% உயர்ந்து ரூ.9,808 கோடியாக பதிவாகியுள்ளது.

ஆனால், நிகர வட்டி வரம்பு (NIM) கடந்த ஆண்டின் 2.73%-இல் இருந்து தற்போது 2.54% ஆக குறைந்துள்ளது.

வாராக்கடன் விகிதம் குறைவு

கனரா வங்கியின் மொத்த வாராக்கடன் விகிதம் (Gross NPA) 2.94%-இல் இருந்து 1.84% ஆக குறைந்துள்ளது.

அதேபோல், நிகர வாராக்கடன் (Net NPA) 0.70%-இல் இருந்து 0.43% ஆக குறைந்துள்ளது. இது வங்கியின் சொத்து தரம் மேம்பட்டிருப்பதை காட்டுகிறது.

டிவிடெண்ட் அறிவிப்பு

2026 நிதியாண்டிற்காக, ஒரு பங்குக்கு ரூ.4.20 டிவிடெண்ட் வழங்க வங்கியின் நிர்வாகக் குழு பரிந்துரைத்துள்ளது.

வைப்புத்தொகை மற்றும் கடனுதவி உயர்வு

வங்கியின் மொத்த உள்நாட்டு வைப்புத்தொகை 8% உயர்ந்து ரூ.1.43 லட்சம் கோடியாக உயர்ந்துள்ளது.

மேலும், மொத்த உள்நாட்டு கடனுதவிகள் 15.12% உயர்ந்து ரூ.11.61 லட்சம் கோடியாக அதிகரித்துள்ளது.