விமான விபத்துக்கு முன்… விஜய் ரூபானியின் கடைசி புகைப்படம் வெளியீடு! பரபரக்கும் தகவல்கள்!

அகமதாபாத் விமான விபத்தின் அதிர்ச்சி தொடரும் – விஜய் ரூபானியின் இறுதி தருண புகைப்படம் வெளியாகியது!

அகமதாபாத்திலிருந்து லண்டன் நோக்கி புறப்பட்ட ஏர் இந்தியா AI 171 விமானம், புறப்பட்ட 10 நிமிடங்களிலேயே விபத்துக்குள்ளானது. விமானத்தில் இருந்த மொத்தம் 242 பயணிகளில் 170 பேர் உயிரிழந்துள்ளதாக அதிகாரபூர்வமாகத் தகவல் தெரிவிக்கப்பட்டுள்ளது.

இந்த பயணத்தில் குஜராத் முன்னாள் முதல்வர் விஜய் ரூபானியும் இருந்தார். தன் மகனை சந்திக்க லண்டன் செல்லும் பயணமாக இதைத் தேர்ந்தெடுத்திருந்த அவர், விமான விபத்தில் படுகாயமடைந்து மருத்துவமனையில் அனுமதிக்கப்பட்ட நிலையில், உயிரிழந்திருக்கலாம் என்ற தகவல் வெளியாகி அதிர்ச்சியை ஏற்படுத்தியுள்ளது.

விபத்துக்குப் முன் விமானத்தில் விஜய் ரூபானி எடுத்த கடைசி புகைப்படம், தற்போது சமூக ஊடகங்களில் வெளியாகி பரவிவருகிறது. அவருடைய விமான இருக்கையில் உட்கார்ந்து, சிரித்த முகத்துடன் இருக்கும் அந்த படம், அவரைச் சுற்றியுள்ளவர்களை உணர்வோட்டத்தில் ஆழ்த்தி உள்ளது.

போயிங் 787 வகையைச் சேர்ந்த இந்த விமானம், மதியம் 1:39 மணிக்கு புறப்பட்டு 10 நிமிடங்களில், மேகானி நகர் பகுதியில் உள்ள குடியிருப்பில் மோதியதால், கரும்புகை மற்றும் தீ விபத்து ஏற்பட்டது. ஏழு தீயணைப்பு வாகனங்கள் மற்றும் மீட்புப் படையினர் மீட்பு பணிகளில் தீவிரமாக ஈடுபட்டு வருகின்றனர்.

பல பயணிகள் இன்னும் ஆபத்தான நிலைக்கு உள்ளதாக மருத்துவமனை வட்டாரங்கள் தெரிவிக்கின்றன. விபத்தில் உயிரிழந்தவர்களின் எண்ணிக்கை மேலும் அதிகரிக்கலாம் என்ற அச்சம் நிலவுகிறது.