பிகினி உடையில் மகளின் பிறந்த நாள் விழா: கலாச்சாரத்தை சீரழிக்கின்றாரா அமீர்கான்!

பிரபல நடிகர் அமிர்கானின் மகள் தனது பிறந்த நாள் கொண்டாட்டத்தின் போது பிகினி உடை அணிந்து கேக் வெட்டிய புகைப்படம் இணையதளத்தில் வைரலாகி வரும் நிலையில் கலாச்சாரத்தை அமீர்கானும் அவரது குடும்பத்தினரும் சீரழிக்கின்றனர் என்ற நெட்டிசன்கள் விளாசி இருப்பது பெரும் பரபரப்பை ஏற்படுத்தி உள்ளது.

நடிகர் அமீர்கானின் மகள் இரா கான் நேற்று தனது பிறந்தநாளை கொண்டாடிய போது பிகினி உடையில் கேக் வெட்டினார். இந்த விழாவின்போது அமீர்கான் அவருடைய முன்னாள் மனைவி மற்றும் அமீர்கானின் மகன் ஆகியோர் உடனிருந்தனர். இதுகுறித்த புகைப்படம் இணையதளங்களில் வைரலாகி வரும் நிலையில் நெட்டிசன்கள் மற்றும் சமூக ஆர்வலர்கள் இந்த புகைப்படத்திற்கு கடும் கண்டனம் தெரிவித்து வருகின்றனர் .

ஒரு பக்கம் பள்ளி, கல்லூரிகளில் ஹிஜாப் அணிய உரிமை வேண்டும் என்று முஸ்லீம் பெண்கள் போராட்டம் நடத்திக் கொண்டிருக்கும் நிலையில் இன்னொரு பக்கம் பிகினி உடையில் முஸ்லிம் பெண் ஒருவர் பிறந்த நாள் கொண்டாடுவது எந்த வகையில் நியாயம் என நெட்டிசன்கள் கேள்வி எழுப்புகின்றனர்.

அமீர்கானும் அவரது குடும்பத்தினரும் இந்திய கலாச்சாரத்தை சீரழிகின்றனர் என்றும் அவர்கள் மீது கடுமையான நடவடிக்கை எடுக்க வேண்டும் என்றும் கோரிக்கை விடுத்து வருகின்றனர். ஆனால் அதே நேரத்தில் இது அமீர்கானின் சொந்த விஷயம் என்றும் அவரவர் விருப்பத்தின்படி பிறந்தநாள் விழா கொண்டாடுவதில் என்ன தவறு என்றும் ஒரு சிலர் கேள்வி எழுப்புகின்றனர்.