தமிழ்நாடு
வேளாண் படிப்புக்கான தரவரிசைப் பட்டியல் வெளியீடு :கலந்தாய்வு தேதி அறிவிப்பு!
வேளாண் படிப்புக்கான தரவரிசைப் பட்டியல் வெளியிடப்பட்டுள்ள நிலையில் மாணவர்களுக்கான கலந்தாய்வு தேர்வு தேதி அறிவிக்கப்பட்டுள்ளது.
வேளாண் படிப்புக்கான தரவரிசைப் பட்டியல் சற்றுமுன் வெளியாகி உள்ளது. 2021 – 22 ஆம் கல்வி ஆண்டிற்கான வேளாண்மை பல்கலைக்கழகத்தின் தரவரிசைப் பட்டியலை துணைவேந்தர் இன்று வெளியிட்டார்.
இந்த பட்டியலில் 200-க்கு 200 மதிப்பெண் பெற்ற நீலகிரி மாவட்ட செயலாளர் என்.பூர்வா ஸ்ரீ முதலிடத்தையும், நாமக்கல் மாவட்டத்தை சேர்ந்த புஷ்கலா என்ற மாணவி 199 மதிப்பெண் பெற்று இரண்டாம் இடத்தையும் ராமநாதபுரம் மாவட்டத்தை சேர்ந்த ஆர்.சாஜின் என்பவர் மூன்றாம் இடத்தையும் பெற்றுள்ளார் என்பது குறிப்பிடத்தக்கது.
இந்த நிலையில் தமிழக அரசு பள்ளியில் படித்த மாணவர்களுக்கு 7.5 சதவீத விழுக்காடு ஒதுக்கீடு செய்யப்பட்ட தரவரிசை பட்டியலில் பல்கலைக்கழக துணைவேந்தர் வெளியிட்டார். இதில் அரசு பள்ளியில் படித்த தர்மபுரி மாவட்டத்தை சேர்ந்த பவித்ரா என்ற மாணவி முதலிடம் பெற்றுள்ளார். அதேபோல் பட்டயப் படிப்புகளுக்கான தரவரிசைப் பட்டியல் வெளியானது என்பது குறிப்பிடத்தக்கது.
இந்த நிலையில் வேளாண்மை பல்கலைக்கழகத்திற்கு கலந்தாய்வு பிப்ரவரி 11ம் தேதி முதல் நடைபெறும் என்றும் மாணவ-மாணவிகள் இந்த கலந்தாய்வில் கலந்து கொள்ளலாம் என்றும் அறிவிக்கப்பட்டுள்ளது. கலந்தாய்வு குறித்த முழு விவரங்கள் இதோ:
1) முன்னாள் ராணுவ வீரர்களின் வாரிசுகள் 11.02.2022 முற்பகல் நேரடி கலந்தாய்வு.
2) மாற்றுத்திறனாளிகளுக்கான இட ஒதுக்கீடு 11.02.2022 முற்பகல் நேரடி கலந்தாய்வு
3) சிறந்த விளையாட்டு வீரர்கள் 11.02.2022 பிற்பகல் நேரடி கலந்தாய்வு
4) தொழிற்முறைக் கல்வி பிரிவினர் 14.02.2022 மற்றும் 15.02.2022 நேரடி கலந்தாய்வு
5) அரசுப் பள்ளியில் பயின்றோர்(7.5%) 17.02.2022 மற்றும் 18.02.2022 நேரடி கலந்தாய்வு
6) பொதுக்கலந்தாய்வு – 21.02.2022 முதல் 23.02.2022 வரை இணையவழி கலந்தாய்வு
7) கல்லூரி மற்றும் பாடப்பிரிவு இட ஒதுக்கீடு 25.02.2022 இணைய வழிகலந்தாய்வு
8) சான்றிதழ் சரிபார்ப்பு 02.03.2022 முதல் 05.03.2022 வரை நேரடி வருகை
9) முதல் நகர்வு பட்டியல் (1) மற்றும் கல்லூரி, பாடப்பிரிவு இட ஒதுக்கீடு 08.03.2022 இணையவழிகலந்தாய்வு
10) சான்றிதழ் சரிபார்ப்பு – II 11.03.2022 முதல் 13.03.2022 வரை நேரடி வருகை
11) இரண்டாம் நகர்வு பட்டியல் மற்றும் கல்லூரி, பாடப்பிரிவு இடஒதுக்கீடு 16.03.2022 இணைய வழி கலந்தாய்வு
12 ) வெளிநாடுவாழ் இந்தியர்களுக்கான இட ஒதுக்கீடு 17.03.2022 நேரடி கலந்தாய்வு
13) வேளாண் தொழில் நிறுவனங்களுக்கான இடஒதுக்கீடு 18.03.2022 நேரடி கலந்தாய்வு
14) சான்றிதழ் சரிபார்ப்பு 19.03.2022 முதல் 21.03.2022 வரை நேரடி வருகை
15) மூன்றாம் நகர்வு பட்டியல் மற்றும் கல்லூரி, பாடப்பிரிவு இட ஒதுக்கீடு 24.03.2022 இணைய வழிகலந்தாய்வு
