உலகம்
2வது கணவரையும் விவாகரத்து செயத அமேசான் ஜெஃப் பிஜோஸ் முதல் மனைவி: என்ன காரணம்?
அமேசான் நிறுவனத்தின் தலைவர் ஜெப் பிஜோஸ் அவர்களின் மனைவி மெக்கென்சி ஸ்காட் கடந்த 2019 ஆம் ஆண்டு தனது கணவரை விவாகரத்து செய்துவிட்டு இரண்டாம் திருமணம் செய்து கொண்டார். தற்போது அவர் இரண்டாவது கணவரையும் விவாகரத்து செய்து விட்டதாக கூறப்படுகிறது.
உலகின் நம்பர் ஒன் இ-காமெர்ஸ் நிறுவனங்களில் ஒன்றான அமேசான் நிறுவனத்தின் தலைவர் ஜெப் பிஜோஸ் கடந்த 1993 ஆம் ஆண்டு மெக்கென்சி ஸ்காட் என்பவரை திருமணம் செய்து கொண்டார். இவர்களுக்கிடையே ஏற்பட்ட கருத்து வேறுபாடு காரணமாக கடந்த 2019 ஆம் ஆண்டு இல்லற வாழ்வில் இருந்து பிரிந்து விவாகரத்து பெற்றனர்.
இதனை அடுத்து 2021 ஆம் ஆண்டு மெக்கென்சி ஸ்காட், டேன் ஜெவெட் என்பவரை திருமணம் செய்து கொண்டார். இவர்களது திருமணம் நடந்து கிட்டத்தட்ட ஒரு வருடத்திற்கு மேல் ஆகியும் இந்த தம்பதிக்கு குழந்தை இல்லை என்பது குறிப்பிடத்தக்கது.
இந்த நிலையில் தற்போது திடீரென மெக்கென்சி ஸ்காட் தனது இரண்டாவது கணவரையும் விவாகரத்து செய்துள்ளதாக தகவல்கள் வழியாக உள்ளன. 52 வயதான மகன் சொத்து மதிப்பு 43.6 பில்லியன் டாலர் என போர்ஸ் நிறுவனம் அறிவித்துள்ளது.
கடந்த ஆண்டு செப்டம்பர் மாதம் தனது கணவரிடம் இருந்து விவாகரத்து கோரி மெக்கென்சி ஸ்காட் நீதிமன்றத்தில் மனு தாக்கல் செய்ததாகவும் இந்த மனு மீதான விசாரணை நடைபெற்ற போது அவரது இரண்டாவது கணவர் விவாகரத்துக்கு எந்தவித எதிர்ப்பும் தெரிவிக்கவில்லை என்றும் நியூயார்க்கை சேர்ந்த ஊடகம் ஒன்று செய்தி வெளியிட்டுள்ளது. இதனால் இந்த ஜோடி எதனால் பிரிகின்றனர் என்ற காரணம் இதுவரை தெரியவில்லை.
ஜெப் பிஜோஸ் மற்றும் மெக்கென்சி ஸ்காட் தம்பதிகளாக இருந்த போது அவர்களுக்கு நான்கு குழந்தைகள் பிறந்தனர். மெக்கென்சி ஸ்காட் கடந்த 2019 ஆம் ஆண்டு விவாகரத்து பெற்றபோது ஜெப் பிஜோஸ் இடம் இருந்து 38.3 பில்லியன் டாலர் ஜீவனாம்சமாக பெற்றுக்கொண்டதாகவும் கூறப்பட்டது. இதனை அடுத்து அவர் உலகின் பணக்காரர்களில் ஒருவராக மாறினார்.
கடந்த 2021 ஆம் ஆண்டு மெக்கென்சி ஸ்காட் தனது செல்வத்தின் பெரும் பகுதியை நன்கொடையாக வழங்குவதாக அறிவித்தார் என்பதும் அவர் அறிவித்தபடி தனது வாக்குறுதியை நிறைவேற்றி உள்ளார் என்பது குறிப்பிடத்தக்கது. மற்ற கோடீஸ்வரர்களை விட அவர் மிக வேகமாக தனது பணத்தை நன்கொடையாக கொடுத்து வருவதாகவும் கூறப்படுகிறது.
கடந்த ஏழு மாதங்களில், எனது குழுவின் உதவியுடன், நான் 343 நிறுவனங்களுக்கு $1,990,800,000 வழங்கினேன், பின்தங்கிய சமூகங்களைச் சேர்ந்த மக்களின் குரல்கள் மற்றும் வாய்ப்புகளை ஆதரிக்கிறேன்” என்று மெக்கென்சி ஸ்காட் தனது சமூக வலைத்தளத்தில் தெரிவித்திருந்தார்.
