இந்தியா
95 ஆக்டேன் தரத்தில் இ20 பெட்ரோல் விற்பனை – ஏப்ரல் 1 முதல் கட்டாயமாக்கியது ஒன்றிய அரசு.
95 ஆக்டேன் தரத்தில் இ20 பெட்ரோல் விற்பனை – ஏப்ரல் 1 முதல் கட்டாயமாக்கியது ஒன்றிய அரசு.
மத்திய பெட்ரோலியத் துறை அமைச்சகத்தின் சமீபத்திய அறிவிக்கையில் கூறப்பட்டிருப் பதாவது…
ஆக்டேன் என்பது பெட்ரோல் அதிக அழுத்தத்திலும் சீராக எரிவதைக் குறிக்கும் அளவீடாகும். பெட்ரோலில் எத்தனால் கலக்கும்போது என்ஜினுக்குள் எரிபொருள் சீரற்ற முறையில் எரிந்து தேவையற்ற சப்தத்ததையும் அதிர்வையும் ஏற்படுத்த வாய்ப்புள்ளது. 95 ஆக்டேன் தரம் இந்த சிக்கலைத் தடுத்து என்ஜினை பாதுகாக்கும்.
எத்தனால் இயற்கையில் சுமார் 108 ஆக்டேன் கொண்டது. எனவே எத்தனால் கலப்பு பெட்ரோல் என்ஜினின் வேகம் மற்றும் ஆயுள்காலம் அதிகரிக்கும் என நிபுணர்கள் கூறுகின்றனர்.
நாட்டின் பொருளாதாரத்தை மேம்படுத்தும் நோக்கில் அறிமுகப்படுத்தப்பட்ட எத்தனால் கலப்பு பெட்ரோல் மூலம் கடந்த 10 ஆண்டுகளில் சுமார் ரூ.1.40 லட்சம் கோடி அந்நியச் செலாவணி சேமிக்கப்பட்டுள்ளது. கரும்பு சோளம் மற்றும் தானியங்களிலிருந்து எத்தனால் தயாரிக்கப் படுவதால் விவசாயிகளுக்கு கூடுதல் வருவாய் கிடைக்க வழிவகை செய்யப்பட்டுள்ளதாக அரசு தெரிவிக்கிறது.
இந்தியாவில் 2023 முதல் தயாரிக்கப்பட்ட வாகனங்கள் பெரும்பாலும் இ20 பெட்ரோலுக்கு ஏற்றவாறுதான் வடிவமைக்கப்பட்டுள்ளன. எனினும் பழைய வாகனங்களில் மைலேஜ் சற்று குறைவதாக குற்றச்சாட்டுகள் பரவலாக இருந்து வருகின்றன.
