நீரிழிவை கட்டுப்படுத்த உதவும் 5 குறைந்த கிளைசிமிக் உணவுகள் – உங்கள் சமையலறையிலேயே கிடைக்கும் இயற்கை மருந்து!

நீரிழிவு (Diabetes) நோயை மருந்து மாத்திரைகள் மூலம் மட்டுமே கட்டுப்படுத்த முடியாது. அதற்கு கூடுதலாக, சரியான உணவுமுறை பின்பற்றப்பட வேண்டும். குறிப்பாக, குறைந்த கிளைசிமிக் எண் (Low Glycemic Index) கொண்ட உணவுகள் ரத்த சர்க்கரை அளவை திடீரென உயர்வதிலிருந்து காக்கின்றன. இவ்வுணவுகள் மெதுவாக செரிமானமாகி, உடலுக்கு நீண்ட நேரம் ஆற்றலை வழங்குவதால் அடிக்கடி சாப்பிட வேண்டும் என்ற ஆசையை கட்டுப்படுத்துகின்றன.

உங்கள் சமையலறையிலேயே எளிதில் கிடைக்கும் சில உணவுகள் நீரிழிவை கட்டுப்படுத்த உதவும். அவற்றை பார்க்கலாம்:

1. ஓட்ஸ் (Oats)

சர்க்கரை ஆசையை கட்டுப்படுத்த ஓட்ஸ் சிறந்த தேர்வு. இதில் நார்ச்சத்து அதிகம் உள்ளதால் இன்சுலின் அளவை மேம்படுத்தி உடல் எடையை குறைக்கும். பழங்கள் மற்றும் நட்ஸ் சேர்த்து சாப்பிட்டால் ஓட்ஸ் மேலும் ஆரோக்கியம் தரும்.

2. கொண்டைக்கடலை (Chickpeas)

கொண்டைக்கடலை அதிக புரதம், நார்ச்சத்து, ஆரோக்கியமான கார்போஹைட்ரேட்டுகள் கொண்டது. ரத்த சர்க்கரை அளவை சீராக வைத்துக்கொள்ளும். வேகவைத்து தாளித்தோ, குழம்பாகச் சமைத்தோ சாப்பிடலாம். இதை வழக்கமாக சாப்பிடுவதால் உடல் எடை குறையும், இதய ஆரோக்கியமும் உயரும்.

3. ஆப்பிள் (Apple)

“ஒரு நாளைக்கு ஒரு ஆப்பிள் சாப்பிட்டால் மருத்துவர் தேவையில்லை” என்ற பழமொழி உண்மையாகும். ஆப்பிளில் உள்ள அதிக நார்ச்சத்து ரத்த சர்க்கரை அளவை சீராக்கும். மேலும், இதில் உள்ள ஆண்டி-ஆக்சிடன்ட்கள் மற்றும் வைட்டமின்கள் நோய் எதிர்ப்பு சக்தியை அதிகரிக்கும்.

4. பீன்ஸ் வகைகள் (Beans)

பீன்ஸ் வகைகள் புரதம், நார்ச்சத்து மற்றும் தாதுக்கள் நிறைந்தவை. குறைந்த கிளைசிமிக் எண் கொண்டதால், ரத்த சர்க்கரை அளவை அதிகரிக்காமல் பராமரிக்கின்றன.

5. பார்லி (Barley)

பார்லியில் உள்ள கரையக்கூடிய நார்ச்சத்து உடலில் சர்க்கரை உறிஞ்சுவதை மெதுவாக்குகிறது. குடல் ஆரோக்கியத்தை மேம்படுத்தி, நாள் முழுவதும் ஆற்றலுடன் இருக்க உதவுகிறது. தினசரி உணவில் பார்லியைச் சேர்ப்பதால் ரத்த சர்க்கரை இயற்கையாகவே சீராகும்.